اربطيه بالعيال ... كتبت : ريهام الغريب / وطنى نيوز

كتبت :ريهام الغريب

 

طبعا معظمنا عارف معنى الكلمه وسمعها كتير البت اول متجوز امها تقولها الكلمه المعتاده" اربطيه بالعيال يعني اي يا ماما يعني هتيله عيل واتنين وعشره عشان ميعرفش يلف يمين ََولا شمال ويفضل معاكي كدا"

اه تمام طب يتري هو قد مسؤليه العيال دي يتري هو يعرف يربي ويكبر ويصرف ويعلم ويلتزم بيهم يتري هي نفسها قد مسؤليه العيال دي من تربيه واهتمام واكل وشرب وتعليم مفكرتوش في كل دا صح كل الموضوع ان اخلف وخلاص والعيال بتيجي برزقها انا معاكي ان العيال بتيجي برزقها بس ربنا قال أسعى يا عبد وانا أسعى معاك لو الاب مش مسؤل ومش قد ان يصرف ويربي والام مهمله ومش قد برضو انها تربى تخلفوا ليه لا معلش بتجوزوا ليه من الاول يا فرحتي ان البت بقيت بتجوز وهي عندها ١٦سنه وتجيب عيال برضو وتبقي عيله شايله عيله ولا تربيه ولا اهتمام ولا اي نيله واب غير مسؤل نيجي للعيال بقي الكائن الل كان نتيجه لشخصين قروروا انهم يجوزوا لمجرد انهم عايزين يتجوزوا بس لكن نشيل مسؤليه لا مش بتاعنا بيطلع يلاقي بقي كميه العقد المحترمه دي ودا طبعا الل مفروض بيبني شخصيته الل هي بتبقي نيله طبعا ويبدا يكبر ويشوف كميه السواد والقرف بقي ليه عايزه افهم ليه تعملوا فينا كدا لا الدين ولا الحق ولا العدل يرضي بأن تكون دي عيشه بين اب وام شبه مش موجودين وزعيق وخناق وضغط نفسي ربنا قال كل راع مسؤل عن رعيته انتوا مش قد الجمله دي ومش قد الرزق دا والنعمه دي متجوزوش وتخلفوا ناس بدل ميبروكوا يدعوا عليكوا