" الوقت " بقلم .. هبة الله يوسف محمود سند / وطنى نيوز

قالو الوقت بينسي الوجع..

وإنه كفيل يداوي جراح قلب إتخدع..

وفاتوني مابين جراحي لحالي أتوجع..

عايشة بأمل كداب وآخره سراب..

وضاعت سنيني في إنتظار هموت و أرتجع..

عن كل هفوة في حياتي سابتلي ألم..

عن كل ذكرى في خيالي فاتتني في ندم..

عن كل إنسان زمان كان لروحي حياة..

وبكل غدر وقسوة قلبي إتردم..

من إمتى شوفنا الوقت نسى قلوب..

الوقت سياف عالقلوب يناجي الموت..

مين اللي قال الوقت مقياس للشفا..

أو شوفنا قلب إتداوى من كتر الجفا..

الوقت صح كفيل يخف جراح..

بس عمره مايشفي قلب أو جرحه يتنسى..

( الوقت عمره مكان مقياس للنسيان الوقت بيقسي مش بينسي ، بيدي فرصه للعقل يفكر ويفتكر ويلوم ويقسى مفهوم غلط من ضمن مفاهيم كتير بنصبر بيها نفسنا ، عشان رافضين نعترف بالمرض وبنسكن نفسنا بشوية مسكنات )