دكتورة فاطمه محمود
متلاقيش انسان شاطر بيعمل شو او دوشه وهو بيشتغل دائما بيبقى حاجه كده زى السهل الممتنع الخمس دقائق شغل منه بساعات شغل من ناس عامله نفسها بتشتغل
سر ثقته انه تعب كتير علشان يوصل للمرحله دى ، وتلاقيه بيتعامل بمنتهى الثبات والهدوء .
عنده سلام نفسي مش هيموت لو مقدرش وده لان قدراته اكبر من تقدير اللى حواليه وهو عارف كده كويس..
مش بيضايقه وجود منافسين لان ببساطه هو فى مستوى تانى غرقان فى اهدافه وشغال عليها فكل اللى حواليه مش فى دايره اهتمامه.
اى حد هأيحاول يحاربه هأيضيع وقته لانه هيخوض حرب لوحده هو مش هيكون طرف فيها اصلا لانه شغال فى مكان تاني خالص .
الشاطر كل يوم بيشتغل على حاجه جديده فتلاقى خبرته سابقه خبرة ناس ضعف عمره من اللى عايشين بيكرروا نفس الحاجه كل يوم .
بعد ده كله تلاقي الشاطر ده متواضع جدا، لانه عارف ان لسه فاضله كتير علشان هو كل يوم غير اليوم اللى قابله.
دكتورة فاطمه محمود
تعليقات
إرسال تعليق