أحمد بدراوى
بأحب حياتى وبأعشقها
وبأرسمها بألوانى
ومؤمن باللى راح يحصل
وبأضحك رغم أحزانى
بأحب الخير فى غير أهله
وأهله حبايبى وخلانى
وبأغلط آه وبأتأسف
وأحشر نفسى وأتفلسف
وأجيب الحق لأصحابى
وأقول الحق لو على نفسى
وكل إلى شافنى ويعرفنى
ضحك من قلبه على شيطانى
صحيح خناس لكن تافه
بيسهر لحد الصباح وينام
يقوم من نومه يلاقنى
برص الخير كدا أكوام
آدى كوم وآدى التانى
آدى كوم وآدى التانى
وآدى نفسى إللى بأعشقها
وبأرسمها بألوانى
شكراً جزيلاً
ردحذفالصحفى المحترم محمد فلفل وشكراً جزيلاً السادة رؤساء ومحررى جريدة الوطن نيوز على هذه اللافتة الجميلة ونشر كتابتنا بجريدتكم الطيبة دمتم ودامت كل أوقاتكم بخير🥰💐😊👌