بقلم/د فاطمة محمود
ربيتى ابنك أحسن تربية و
اكلتيه أحسن أكل لبستيه أحسن لبس دخلتيه أحسن مدارس ، برافو عليكي
اهتمى بأهم جانب ابنك محتاجه وهو" التربية النفسية"
مع بعض هنعرف أهداف التربية النفسية ، إزاى أحقق الأهداف دى ،إيه أللى ممكن يدمر أبنى و يعطل الأهداف دى
أول و أهم هدف هو :
" تربية طفل خالى من الاضطرابات النفسية " زى إيه .....
زى القلق أللى بيتحول إلى احباط يتولد منه عدوان سواء داخلى زى قضم الأظافر أو خارجى زى الضرب و الصوت العالى
طيب المشاكل دى سببها إيه ....سببها حاجات نفسيه للطفل غير مشبعة
_والحل إيه ؟؟؟اشباع حاجات الطفل خصوصا الامان و الاحتواء ، البعد عن الصراخ و الضرب و الحرمان و السخريه و الانتقاد
" أن ينشأ الطفل فى طمأنينة"
للأسف كتير من الاهل بتتصرف تصرفات تفقد طفلها الامان و الطمأنينة وده بيكون له أثر سلبي جدا جدا على الطفل
ان احب أبنى اكتر من اى حد
إحنا بنقول سلوك الحب ليس فقط شعور الحب
لأن كتير جدا الابن مش بيكون واصله حب الأهل
☆نقوم بسلوك الحب يوميا و هو : الحضن و القبله و اللمسه
☆بناء أرض صلبة للطفل يثبت قدميه عليها بمعنى إنه يكون له مرجع وكيان و شخصية يقدر يواجه بيها الأزمات
طيب أحقق ده إزاى ؟؟؟؟
انى أقدم لطفلى دايما إحساس إنه مقدر انى بسمعه و بنصتله وإن كلامه مهم جدا
يكون بينا حوار كأصحاب بدون تقديم نصائح أو لوم
يكون فى دايما تقدير له و مدح باستمرار وعامليه إنه إنسان كامل له حقوق و احتياجات و أراء مش طفل ملوش اعتبار
.اقبليه زى ما هو مميزاته و عيوبه بدون شروط وبلاش إحباط سواء ب الرسائل السلبية أو التوقعات أو الأساليب
علمى ابنك الحب واعطاء بدون مقابل وخليه راضى عن نفسه و إمكانياته بلاش نقد أو تقليل منه.
دكتورة فاطمة محمود
تعليقات
إرسال تعليق