الدكتور علي الصفطي...باحث دكتوراه في الآثار الاسلاميه ..التخصص ..المسكوكات (العملات) لم يعمل في وزاره الآثار لديه عمل خاص ..المبادرة اسمها كنوزنا المنسيه في البدايه كانت عباره عن فكره عن تاريخ المحله لان محدش اتكلم عنه بشكل متخصص على السوشيال ميديا و اليوتيوب كان الهدف من المبادره توعية الناس وانهم يهتموا بتاريخهم ويعرفوا حقوقهم فيحاولو ان يحسنوا من وضعهم ومن بلدهم ..في البدايه كان في محاوله أننا نتعاون مع اكثر من شخص بحيث ان المبادره تاخذ انتشار واسع ونجمع جزء كبير من المعلومات عن المدينه لانها مذكوره في مصادر قديمه عبارة عن كلمات وجُمَل متفرقه بالفعل بدأنا ندور ونبحث في اكثر من مكان وحصل تعاون مع استاذ مصطفى ابو شامية الصحفي لأنه على درايه كبيره بتاريخ المحله ولديه صور قديمه ونادره ليها بشكل كبير جدا وساعدنا كثير وده كان من اهم الحاجات الي حصلت للمبادره والي خلتها بشكل احسن ... فكرة الاسم (كان بالتعاون بيني وبين استاذ مصطفى ابو شاميه ) فكرنا كتير لحد اما وصلنا للأسم ده ...اهداف المبادره؟نشر الوعي الأثري والثقافي عند الناس وده من اهم اهدافنا لأن في عدد كبير جداً من الناس معندوش معلومات عن تاريخه والحضاره ..واكمل الدكتور علي الصفطي قائلا في جمله عندنا بنقولها (الي ملوش ماضي ملوش مستقبل) وكان هدفنا ان الناس الكبيرة يكون عندها معلومه عن تاريخها وبدأنا نعملها في فيديوهات الناس تسمعها وتكون مبسوطه ولقينا تجاوب كبير من الناس اول فيديو لينا حصل على 165 الف مشاهده ودا كان هدفنا اننا نكمل ونتكلم عن الاماكن الاثريه و تاني هدف اننا نعمل رصد للأماكن الاثريه المسجله وحالات التعدي وحالات الإهمال ثالث هدف كان رصد الأماكن الأثريه زي القيمة الاثريه والفنيه وده الي اشتغلنا عليه وأخذ وقت كبير مننا جدا لأن في أماكن بتحمل تاريخ عظيم لكنها مش متسجله في وزاره الآثار ومش مُسجله في اي مكان فحصل عليها حالات تعدى فكرنا نسلط ضوء الرئي العام ونظر المسؤولين عن اهميه وعظمة الأماكن دي علشان نحاول نسجلها ومن النقطه دي جات فكرة مشورع المدينة (المحله مدينة ذات طابع اثري )الراعي ليها الحاج محمود الشامي وتم التعاون مع استاذ احمد بلال في ايفنتات لنشر الوعي الأثري وفي البدايه كان الراعي الاساسي للمبادره الاستاذ عبد المنعم امام وانشاء الله فيه مشاريع بينا قريبا ...الرعايه بتكون لينا معنويا ودي مهمه جدا لينا ..المبادرة شبابيه غير تابعه للوزاره ...وصرح عن الأماكن القادمه لم تقتصر على مدينة المحله فقط بل الأقاليم كلها .....(طنطا /سمنود/فوه/دسوق)
....نشكر جدا الدكتور علي الصفطي على وقته الثمين ونسأل الله التوفيق له دائما
تعليقات
إرسال تعليق