بقلم/ د فاطمة محمود
قال تعالى: ﴿ يُوصِيكُمُ اللَّهُ فِي أَوْلَادِكُمْ ﴾
فتربية الأولاد من الأمانات والمسئوليات التي يحاسب عليها العبد يوم القيامة فإذا فرّط العبد فيها عرض نفسه لغضب الله ومقته، وإذا قام العبد بدوره تجاه الأبناء أثيب عليه الثواب الجزيل ومنحه الله عز وجل أجرا عظيما.
غير مقبول
☆ إنك تسمح لأي حد يتخطي حدوده مع ولادك سواء بهزار او جد وقولا أو فعلا ، ده غير مقبول ..
غير مقبول
☆ تسمح لحد يناديهم بلقب أو صفه وحشة ( أسمر ، أكرت ، تخين ، مسلوع ، بضب ، قزعه) أو حاجة في صفاتهم ( عيوطه ، زنان ، عصبي ، شقي ، معفرت).
غير مقبول
☆ الهزار التقيل السمج بتاع طالع وحش لمين، وليه مش حلو زي اختك و لا اخوكي و لا خالتك و لا عمتك
غير مقبول
☆التعليق او السخرية علي المستوي البدني ( ماله مش قادر يجري كده ليه ، ازاي في السن ده و مبيعرفش يعوم ، ليه بينهج كتير ) ،
او التعليمي (ماله مش عارفه يقرا ، هو مش شاطر ليه ، مبيعرفش ينطق ).
لماذا؟
لان كل الكلام السلبي ده بيأثر علي الطفل و بيفضل في المخ و العقل بيصدقه .
و اثر علاج كلمه وحشه بياخد وقت و لازم قدامها ١٠٠ كلمه كويسه عشان تزيلي اثر الكلمه الوحشه.
واخيرا ممنوع المقارانات باي طفل اخر و حتى لو اخوه ، لان كل طفل ليه السمات الشخصيه بتاعته و اللي بتختلف ومن طفل للتاني ، والمقارنات دي اول شيء مدمر لشخصيه الطفل و ثقته بنفسه.
- ياريت كل واحد يخليه في حاله لان دي قله ذوق.
بمنتهي البساطه امنعوا التنمر عن أولادكم هيحسوا انكم السند و الضهر و هتزيد ثقتهم في نفسهم و الكل هيعملك الف حساب و يفكر الف مره قبل ان يقول اي كلمه علي ولادك.
دكتورة فاطمه محمود
تعليقات
إرسال تعليق