أخطاك منهم وتلهاااا بيا ... بقلم أميمة بن عمر / وطنى نيوز

 

بقلم أميمة بن عمر / تونس 

 

أخطاك منهم وتلهاااا بيا

ك قطرة لمطر ل ذاقتها الصحراء .. أولها هز عيونك و آخرها سايس روحك لا تصيبك نحرى ..

و يعطوو لحمك للنسور هدية .. خايف و خوفي عليك مش خاطرك ولية .. أما خاطرك مني ليا ..

مركب و سفينة قاصد ربي في مووجك .. و هواك تعنيقة .. و غزرتك غريقة ..

ماوو آخرها نعتب شطك و نغني " جيت نعوم الموج قلبني " ..

ما حشتي بزينك ليضيعوو الزمان .. لا هاك اللسان .. أصلي غاوي فعايل و هكا لمحبة .. لكمال ربي سبحانوو و أنا ناقصك .. ترااه كملني ..

كملني خ نكذبو الحسبة و الأرقام ..

بلا واحد مع واحد يجيوو ثنين .. خلينا روحين في بدن صاحي بيك سكران ..

غرام و تفاصيل و صباح ليل و نعمل منك نوبة ..

عشقة و غرام و مانيش طامع في البرشة .. نخزن نفس تاعك في بوسة مسياسة يا دوبة ..

و توبه ندندن لعبد الحليم " إن كنت أحب تاني " ..

و لاني نفحة و لاهي موضة .. ك سناست بيتهوفن ع لبيانوو نتي دوامي ..

و نمرض بيك و ننسى لسامي و قداش لوقت ..

ليا سنين بكووش ع الهدرة و ك تصنتك نطقت ..

و نعلمك أحنا مش هوما .. هوما بياعة و شراية و سوق و دلال ..

و أنا اللحظة .. و الدفاء و طبيعة مش صنيعة و لعقل مش هوني .. الغايب لمنطق و لحاضر لهبال ..

من شمالك لجنوبك نوطن و نفرش ترابك و نشيع لعين في سماك و نحوس بين زناقيك ..

لين سمعت صوت آلارم .. توو صباح جديد و خذاتني عيني و أنا نسمع في آك لغناية لي تقول " بطيت مدة توو نستنى فيك ..