قصر عائشة فهمي تحفة معمارية على كورنيش النيل بالزمالك / وطنى نيوز

كتبت /نانسي حسن

قصر الخُلد !!

او القصر الرخامى الوردى !!

قصر مات كل اصحابه و بقيت حكاياته 

هو ( قصر عائشة فهمى )على كورنيش النيل فى الزمالك ...

تحفة معمارية 

وزى ما هو مميز بتصميمه الخارجى والداخلي الرائع ...

كمان مميز بحكايات الناس الى عاشوا فيه 

بناه المعماري الايطالى ( انطونيو لاشاك ) ل ( على بك فهمى ) الشاب الى اتجوز من (مارجريت ) الاجنبية الى اكبر منه ب ١٠ سنين والى قتلته بعد حوالى ٨ اشهر من الزواج 

وتسببت حادثة قتله بضجة كبيرة فى مصر واوروبا لان الزوجة اخدت براءة من المحكمة الانجليزية 

و بعدها تروح كل ممتلكات ( على فهمى ) لاخواته البنات وتشتري عائشة فهمى نصيب اخواتها ب 72 الف جنيه ( ودا مبلغ كبير جدا وقتها )و يبقى القصر ملكها ...

وتعيش فيه حتى وفاتها و يقال انها تزوجت ٣ مرات ...

بس اهم زواج كان زواجها من الفنان الكبير ( يوسف وهبى ) الى يقال انها كانت اكبر منه ب ١٦ سنة و عاش معاها فى القصر

و يقال ان فيلمه ( اولاد الذوات) مستوحى من قصة( على فهمى ) اخوها ...

وتزوجت بعد طلاقها من يوسف وهبى بالفنان شكوكو ...

وحاليا القصر معرض للفنون بتعرض فيه لوحات الفنانين فى اجواء رائعة 

بتجمع بين اللوحات الجميلة المعروضة و التصميم الداخلى الرائع للقصر بزخارف وتصميمات مختلفة وشبابيك من الزجاج الملون المعشق وارضيات من الباركية ...

كل مكان وراه قصص وحكايات لناس لما بنعرفها بيكون احساسنا بالمكان مختلف