الإخوات ...كتبت مهندسة : مى رضا شبند / وطنى نيوز

 

 

كتبت مهندسة : مى رضا شبند

الإخوات قصيده كتبتها من واقع بتقول :-

الإخوات نعمة كبيرة محدش حاسس بيها غير اللي اتحرم منها أكيد ربنا عوضه بحاجة تانية زي حب الناس ليه والقبول اللي في وجهه وإبتسامته الحاضرة دايما كلامي مش على دول ولا دول بس نصيحتي ليكم حافظوا على اخواتكم وحبوهم واوعوا في يوم تخاصموهم لأن فجأة ممكن مش تلاقوهم المهم كلامي مخصوص عشان فئة معينة من الناس زي مثلا اللي تلاقيه بيكره اخوه عشان احسن منه وناجح في مجاله طيب ما هو فخر ليك ايه الحكاية ولا هي حقد وخلاص بيفكرني بالضبط بإخوات نبى الله يُوسف لما كانوا بيحقدوا عليه ويحسدوه والنوع التاني من الاخوات اللي بعد ما يموت وتد البيت يتفرقوا عشان حتة الأرض والبيتين ما في داهية كل ده قصاد انك تلاقي سند لك في شدتك ولا هو جشع وخضوع للشيطان وخلاص ولّا اللي فاكر نفسه راجل وبيستقوى على إخواته البنات ويحرمهم من ميراثهم اصله غبي ميعرفش أنها ممكن يتنازلوا له عنه في سبيل أنه يكون بيحبها فعلا ويكون جنبها مش بس عشان أخد نصيبها في الميراث ولا غيرهم اللي بيكرهوا إخواتهم لمجرد أنهم من أم تانية يعني أسألك سؤال هي ايه ذنبها أنها اتولدت كدة ليه متحنش عليها وتصاحبها ليه دايما كارها والنوع ده برضه بيفكرني بنبي الله يُوسف ولا النوع الجديد اللي ظاهر لنا اليومين دول واللي بيقلد الغرب تسمحلي أقولك انك متخلف اه متخلف مش متقدم تيجي نفهم جات ازاي لما تتباهى أن اختك حلوة وتتكلم عنها وسط اصحابك انت مفكر نفسك كده حلو لا يا باشا انت كده خواجة اخواتكم نعمة صدقوني حافظوا عليها واوعوا تفرطوا فيهم والا هتلاقوا نفسكم شبهي كائن بائس حزين مش لاقي سند فى الحياة

( أتمنى أي حد مزعل اخوه أو أخته يقوم يصالحه بكلمتين حلوين حتى لو هو اللي غلطان لأن فعلا الحياة بدون اخوات مش حلوة نهائى زي ما انتم فاكرين لا خالص هي صعبه يكفي انك لو اتالمت وسط اللي مش هتلاقي حد جمبك او لو حبيت تفضفض مش هتلاقي قدامك غير الحيطة بجد دي نعمة كبيرة وربنا يبارك لكم في اخواتكم ويحفظهم لكم من كل شر .