بقلم / طلعت حلمى عامر
فاكره حبيبتى
اول لحظه يوم ماقبلتك
جيت وفى ايدى نفس الورده
يومها حكيتلك
عن احساسى وكل مشاعرى
حتى كتبت فى حبك شعرى
انتى قصيدتى
فاكره حبيبتى
لما قضيت الليل سهران
كنت اسهر انا والكروان
اكتب فيكى قصايد عمرى
واكتب عنك انك قدرى
خيط وجمعنا احنا الاتنين
قلبى وقلبك مش قلبين
احنا ياروحى قلبنا واحد
لكن عايش بين جسدين
كنت تقولى بحبك اكتر
لأ انا اكتر
انا من حبك كنت الاجدر
بقدر احضن كل الكون
وانا من حبك قدرت اكون
عايش وبقلبك مفتون
حتى الناس من حبنا قالوا
عنك ليلى وانا المجنون
عيدك هو بداية عمرى
شمسى وقمرى
لازم اقولك كلمه زياده
حبك عاده
اتعودت عليه بزياده
حب عباده
انا نبض وعايش فى وريدك
وبقولك من قلبى بريدك
وهوايا مولود يوم عيدك
ببعتلك ياحبيبى ورود
واكتبلك على قلبى وعود
دا انا قلبى لقلبك مولود
من قلبى ياحبيبى بقولك
العشق مابينا ممدود
......"""""""""............
تعليقات
إرسال تعليق