بكرة تحسوا بوجع القلب
لما اغيب
او قلبي يطب
بكرة تحسوا بندم العمر
لما سنين العمر تمر
وابقي انا ذكري
حلوة كانت او ذكري تعر
واختياراتكم راح تتحول
او تتبدل او تتغير
من ترتيب الحاضر.. لا
راح تتكلموا عني كلام
او تشوفوني في الاحلام
او تتفرجوا ع الالبوم
صوري كانت او افلام
بكرة هيجي ويبقي عليا تراب الارض
وانتو تعبوا كتير وتشيلوا ف وجع القلب
ساعتها هتعرفوا اني عليكم كنت بخاف
كنت بحاوط بايدي ودمي في الاستنزاف
كنت بعيش،من غير اللقمة
وابعت اجيب الحلو وقبله لحم كتاف
كنت بشوف الفرحة في عينكم
لما اقول رايح الصراف
واما الحال اتبدل مني
والمال السايب راح مني
كل الكدب بتاعم لي اتشاف
بعدت مني كتير اصحاب
واتبقي معايا الاحباب
واحد ولا اتنين بزيادة
بكرة هتسمعوا سيرتي وتبكو
وولادي منكم راح يشكو
ان حبايب ابوهم ماتوا
لكن عايشين وبيتشكوا
حال الدنيا وحال المال
والقايم منكم اهو مال
بكرة ده جاي
حامل هم وحامل غم
وحكاوي كتيرة ما تتلم
شايل جواه حلو كتير
اما الظاهر منه السم
خلي قلوبكم تبقي سليمة
والاعمال عالية ولها قيمة
واللي يقوللك اصلي سمعت
قولله بلاش توقع ف الظلم
بكرة هتبكوا عليا كتير
ولا هتعيشوا بدون تفكير؟
وبكرة هموت
تعليقات
إرسال تعليق