تعرفى ازاى انه بيحبك/ وطني نيوز

 

بقلم/ فاطمه محمود

..جالتلى مجموعه 'اسأله من سيدات وبنات بتسألنى هو أنا أعرف أزاى أن الراجل ده بيحبى لو لسة مقالهاش؟

هو فى شوية تفاصيل صغيرة لو اى ست ركزت فيها هتفهم أنه بيحبها وطبعا" الستات أساتذة فى التفاصيل

أيه العلامات اللى تبين ان الراجل ده بيحبك ؟

1- الابتسامة الحلوة على وشه وهو بيتكلم معاكى...بتلاقيه بيكلم الناس كلها بطريقة وانتى بطريقة مختلفة خالص الكلام بيبقى معاه ابتسامة مالية وجهه....

فهو بيحبك

2-أغلب الرجال بتتمسك برأيها الشخصى سواء بيحب ياكل أيه أو يلبس أيه أو يشترى أيه لأن جزء كبير منهم بيثق فى أختياراته وقراراته..فلو سألك عن رأيك فهذا معناه أن فى حاجة بتتغير جواه....

فهو بيحبك

3- لما تلاقيه مركز معاكى وكل لما تلفى تلاقيه بيبصلك فى السر....

فهو بيحبك

4-لو كان بيتعامل مع كل البشر كأنه حجر أو صخرة من غير أحساس ناشف فى الكلام والطباع.......بس أول ما يتكلم معاكى تلاقى نبرة الصوت أتغيرت والمشاعر ظهرت و العين لمعت وعمال يتكلم ومش عاوز يبطل رغى...

فهو بيحبك

5-لما يحكيلك عن كل تفاصيل اليوم....راح فين وكلم مين وعمل أيه

.فهو بيحبك

6-لما يراقبك من بعيد وتلاقيه فى كل الاماكن اللى بتروحيها...

.فهو بيحبك

7-الحب عند الراجل أفعال أكثر منة كلام فهتلاقية بيجبلك الشكولاتة اللى بتحبيها أو النسكافية اللى بتشربيه أول لما توصلى الشغل أو يتفرج على الأفلام اللى بتحبيها علشان يجى يحكهالك..

فهو بيحبك

8-العين من الحواس اللى بتفضح حب الراحل نظراتة...لمعة العين...الحنية اللى بتنط منها...السهوكة اللى بتظهر فجأة.

.فهو بيحبك

9- لما يتكلم معاكى عن المستقبل والخطط اللى بيحضرها والسفريات اللى نفسة يعملها ويشاركك معاه ويسألك عن رأيك وأقتناعك ..

فهو بيحبك

(من الأخر الراجل عامل زى الطفل الصغير بس أنتى أفهميه صح.)

دكتورة فاطمه محمود