بقلم/ نادين العزومي
إنقلب سحر الساحر عليه فماذا بعد!
هل هذه هي النهاية ام مازالت الخطط تتراوح في الذهن؟
ام سينتهي كل كل شئ هنا.. نحن مازلنا وعلى امل ب ابقائها في العمل.. ولكن هل هي ستختار ضميرها ام عملها؟ وهل ستكتسب موقعها مره اخرى؟
او موقف افضل بكثير!!
دخل الاسد الهائج إلى قفصه يريد ان يأكل كل لحم بشري امامه ماذا بك؟ هل ابتلعت جمر من نار ام ماذا؟
يسير زاهر بخطواته المتعجرفه العصبيه كالعاده ولكن هذه المره عيناه ممتلئتان ب الحقد والغل حين اقترب إلى غرفته محاولاً ان يهدئ من روعِه ولكن استوقفه صوت مراد:
_بابا! مالك في ايه؟ متعصب ليه كدا؟
_مفيش حاجه ملكش دعوه.. روح اجري خلي مامتك تحضر الشنط
_شنط! شنط ايه احنا هنسافر مش حضرتك قلت اننا مش هنسافر خلاص
_انت هتناقشني كمان اسمعني وخلاص
_حاضر حاضر
وذهب مسرعاً إلى والدته في المطبخ:
فيروز: مالك يا ابني على مهلك في ايه
يحاول اخذ انفاسه: ب.. بابا بيقولك حضري الشنط
فيروز: شنط!! شنط ايه احنا مسافرين ولا ايه
مراد: معرفش والله انا سألته قالي متناقشنيش واعمل اللي قلت عليه
فيروز: طيب انا هطلعله روح بلغ اختك انت
مراد: بس هي لسه في الكليه
فيروز: اتصل بيها تيجي بسرعه
_______________________
_المهم انك ارتحتي
_اخر راحة يا ماما اخر راحه
سعادتها لا توصف لو كان يوم زفافها لم تكن في قمة هذه السعادة..اتمنى ان تدم هذه الفرحه..ولكن ما يحدث في الجانب الاخر لا يدعو إلى الفرحه بشئ!!
رفيف:احسن قرار خدتيه والله
دينا:ايوه يا ماما تعرفي حاسه براحه نفسيه كبيرة وشموخ كدا عارفه حاسه باحساس غريب عزة نفس او ثقه بالنفس....
قاطعتها ميار متدخله: حاجه في الرينج دا كدا
دينا: هو انا معرفش اقعد لوحدي انا ومامتي دقيقتين على بعض!
ميار:لوحدكوا؟وفي وجودي؟يابجحتك يا اخي..وبعدين دي مش مامتك لوحدك يعني
دينا: يا سلام لا دي مامتي لوحدي انا اصلا.. انتي ايه اللي مقعدك عندنا ارجعي بيت قرة عينك بقا زهقتيني
ميار حزنت قليلا: كان نفسي بجد بس معتقدش ان دا هيحصل تاني
دينا: ايه دا بتهزري.. لا يا ميار بالله عليكي انتو بتحبوا بعض
ميار: انا عارفه كل دا بس دا اهملني وتجاهلني حتى معملش اعتبار وجه كلم بابا ودي اكتر حاجه تخليني اكرهه
دينا محاولة تغيير الموضوع: تاني هتقولي بابا وماما
يبنتي بقا قلتلك لا دي امك ولا دا ابوكي ها بقا حلي عننا
ميار ضاحكه: بابا وماما وملكيش دعوه
فضحكت رفيف على خفة دم الابنتين وحبهم لبعضهما الغير واضح تماماً.
________________________
القت بيسان حقيبتها على الاريكه وثم القت جسدها و وضعت يداها تحت رأسها ناظرة شارده في الا شئ
_هيعملوا فيا ايه.. مصيري هيبقا ايه دينا هتعرف كل حاجه كدا صح! وهبقا في نظرها الصاحبة الخاينه الوحشه.. والمصيبه الاكبر لو عرفت ب موضوع معتز!!!!!
فاقت على صوت رنين الهاتف القت نظره على المتصل.. وحدث ما كانت خائفه منه انهم هم الحية والثعبان
فتحت الخط بتردد شديد:
_اا.. الو
البنت:طبعا صورتي كل حاجه صوت وصوره ابعتيها بقا
بيسان: هو... انا اسفه بس طلع كله متظبط ودينا قالت الحق مفيش حاجه في ادينا ضدها
البنت بغضب: انتي بتقولي ايه يعني ايه مفيش حاجه ضدها
بيسان: انا اسفه بس كنت متوقعه انها هتقول عكس كدا.. دي بتحب شغلها اوي ازاي اتخلت بسهوله
البنت: ضميرها صحى فجأه البسكوته.. حلو اوي كدا متزعليش لما تعرف انك ورا كل دا وميار تعرفك
بيسان بتوتر: لا احنا متفقناش على كدا هتخليني اخسر صاحبة عمري.. وانتي اللي قلتي كل دا من الاول صح
البنت: وانتي اي حد يقولك اي حاجه تعمليها، يعني لو قلتلك ارمي نفسك في البحر هترميها.. كنتي فكري فيها قبل ما تحاسبيني انا
بيسان: انا غلطانه فعلا اني مشيت ورا حية زيك.
وقفلت الاتصال دون تلقي رد اخر منها فهذا اثار غضب البنت واصبحت كالنمر الذي لم يأكل منذ يومين.
________________________
اما في بيت الشاذلي ف المشاكل به لا نهايه لها..والاكبر الآن المشكلة التي واقع بها زاهر..هل سـ يُفنى الحاضر بأكمله؟ هل سقط موقعه الكبير في مسار عمله
ام انه لم يستسلم.. ولكن الذي نعرفه انه سيتخطى كل هذا ويهرب كالجبان إلى انجلترا
مراد: بابا فهمني ارجوك ايه اللي طلع قرار السفر فجأة، انا مش هينفع اسافر صدقني مش هينفع
زاهر: وراك ايه يعني
دا انا اللي هو انا زاهر الشاذلي اكبر محامي هيسيب شغله وحياته ويسافر
مراد بطلقائيه: عشان مبقاش كدا
زاهر بصدمه: ايه؟؟
مراد:ايوه يا بابا متفكرش انك فعلا فاهم ومخبي كل حاجه انا عارف كل حاجه من اول ما اتلبست القضيه وكنت هتودي البنت اللي ملهاش ذنب غير انها ناجحه بس في داهيه
زاهر:انت تعرف كل دا منين انطق
مراد:مش هيفيد بحاجه كل دا
بس اللي عاوزك تعرفه اني مش هسمحلك تأذي دينا
زاهر بغضب: انت تعرفها وكمان بتعصي اوامري عشانها انت اتجنيت.
مراد بغضب اكبر:بعصي اوامرك عشان انا مش في سجن..بعصيها عشان.......
عشان انا بحبها!!!
صبراً يا أناس الحب..من ستعشق الفتاه الآن هل ستقبل ان تعشق ابن عدوها؟
او انها بالأساس تعشقه وهي لا تعلم..غريب هذا الشعور الذي يسمى الحب..يجعلك تحب من تكرهم دون ان تشعر.
انه يقاس إلى اغرب شعور من بين كل هذه الشعور بينما يظهر ب ابسط شعور..
فالحُب يأتي دون سبب ، ليس هُناك قيود له ، لا يأتي بمال، ولا يُؤخذ بجمال، ولا يُقاس بعُمر ، هو فقط قدر ويجب ان نأخذه.
فماذا ستفعل الفتاة؟؟
#بقلمي
#نادين_العزومي
تعليقات
إرسال تعليق