بقلم .. طلعت حلمى عامر
الأسطى عمره طويل لكن ما بيخلفش
معلش لو نحسدك وتبات يا أسطى عليل
اكليل رموه ع الأرض نسيوه فى سنه وفرض
وكلبش طالب فرد
افرد ايديك الاتنين للقاضى قوله ياافندم
هندم هدومك زين محفوظ فى نن العين
سلمها للدبابير خليك هنا لتطير
والدير مع المدنه دستورنا يا اسيادنا
لزقها بالمسامير او لزقتين بأمير
أحول طلب ايدها خد رد من سيدها
عملوا الفرح فى صوان
قلب الفرح احزان
أشجان مع عتريس
قاموا وقفوا بالمتاريس
ياخسارة المسكره واللعب بالمسطره
وذبيبة المنظره ٣٠ كانت قنطره
طلع الاسد كوبرى كل القرود تجرى
قرداتى كان واقف خطفه الاسد بدرى
لو كنت لاتدرى اشطب حروف الخير
واكسر وراه الزير
وارقص مع الستات دا الرقص له درجات
اكدب ولو ع الشات
اسحب بزر ريموت من كل جيب هلفوت
واعلنها فى الملكوت
حبى لازم له سكوت
اشطفها شفيها والعب كمان فيها
طلعها فوق الجبل والهضبه عديها
انهض خلاص السد
قافل هويس المجد
واتشد حيل العبد فى اللعب لأخفيها
وزع عشر فدادين بكره نبيع الطين
فى البحر والمينا
ياعم رسينا .. تاهت مراسينا
مركب معديه بجوازه أبديه
دارى العيون ديه
لسه الفرح منصوب والصوت كمان مسلوب
هنهندم المجذوب
اكذوب طلع فرقعه وضربنا بالبردعه
وتعمل ايه المجدعه
لو طالعه من ميت
سيد لكن فى تابوت
والتوت طرح جرجير
قناطير لكن ببلاش
ومافيش خلاص ببلاش
والقسط لأ .. بالكاش
حناش معاه نتاش وف ايده خرزانه
لو يوم هتطلع فوق او احتى تنزل تحت خربانه خربانه
وارجع لعمك سعد
ماهو قال مافيش فايده
تعليقات
إرسال تعليق