طاقه الانسان ... دكتوره فاطمه محمود / وطنى نيوز

 

 

دكتوره فاطمه محمود

 

‏يجب ان يستوعب الناس ان أحياناً طاقة الشخص بتكون صفر، مش زعلان ومش متضايق ولا نكدي إنما مفيش طاقة للكلام ولا الحركة ولا لردة الفعل

آنچلينا چولي في مشهد من فيلم Girl, Interrupted،

صحيت من النوم قالت لحبيبها اللي كان بيتجهز للخروج :

"I am not okay, can you love me extra today?"

(لست بخير، فهل بإمكانك أن تُحبني اليوم أكثر؟!). رد قالها : لا أستطيع، لديّ موعد. وسابها ومشي. لمًّا رجع لقى رسالة مكتوب فيها : لا حاجة لي بوجودك، ما لم يُخفف عني وطأة الألم النفسي

- في مرة واحد حكى للشيخ الشعراوي : زوجتي كل فترة تمسك فيّه وتقولي خليك جنبي، أسألها في أيه؟! تقول مفيش بس خليك جنبي. هي كده ممسوسة ولا فيها أيه؟! رد عليه الشعراوي قاله : صاحبك تتحامى فيه حتى من ضيقتك، وإن مستفدتش منه بالأمان متصاحبوش، فما بالك بزوجتك!!

خلاصة الكلام

في أيام كدا بنصحي فيها مش كويسين، أو بنحس إننا خايفين و لوحدنا و مشاعرنا مضطربة، ونبقى عايزين حد يحضُنَّا أوي، ونستخبى فيه، بنبقى محتاجين حب زيادة في الأيام ديه بدون سبب و بدون أي دوافع غير أننا محتاجين ده.

- الكلام ده مش للبنات بس لأ والشباب كمان. فلما تلاقي حد بيقولك بطريقة مباشرة أو غير مباشرة أنُه عاوزك جنبه، أو تحضنه، أو تفضل معاه على سماعه الفون حتى لو مبتتكلموش، متفكرش إنُه تافه، أو بيضيع وقتك أو حتى مجنون، فكر بس إنُه بيحبك أوي لدرجة انه شايف إن أمانه وضياع خوفُه في بقائك وياه ....فخليك معاه .