الحلقة السادسه أحببت مخادع بقلم نادين العزومي/وطني نيوز

 بقلم/ نادين العزومي

أصاب حبها قلبه لدرجة انه حتى تمر السعات كثواني وتفكيره لا ينشغل الا بها..فهي دخلت الي عروقه ك الادمان وانتهي الأمر ، انه لمن الصعب ان يشفى منها....،سحقاً لأفعال  محبوبته المتمرده، يعشق عنادها بضع الاوقات تصبح كقطة مشاكسة تعند فقط دون جدوي ولكن هو يعلم انها ستحضر عقلها في الوقت المناسب ومن المؤكد انه سوف يتحملها حتى وان اصبحت امامه جمر من نار،فمن يريد شم نسيم الورد يجب ان يلدعه شوكه اولاً.....لا يحضر عقله بالمره وهو يتعامل معاها او يفكر بها فقط يتسائل، هل يُصبح العقل بلا فائدة عندما يعشق  القلب احدهم؟. 

"صوت رنين هاتف" 

_ألوو، السلام عليكم

_ احم.. وعليكم السلام،، عامله ايه

_تمام بخير مين حضرتك؟ 

_اا.. انا.. م.. انس انا انس

صمتت قليله والقت نظره الي ميار

دينا: الحقي دا هو بيتصل بيتصل اقوله ايه؟ اعمل ايه اقول لماما؟ 

ميار: اهدي اهدي هو انتي عيلة براحه.. شوفيه عاوز ايه يلا بسرعه..وافتحي الاسبيكر

أنس في الهاتف: ألوو الو انسة دينا حضرتك معايا

دينا بتوتر: ايوه ايوه معاك 

أنس: احمم ايوه.. يعني.. منوره الموبايل..ايه.. يعني اقصد مبسوط انك رديتي ومقفلتيش السكه في وشي

دينا: اه ايوه اكيد مش هقفل يعني محصلش حاجه عادي

           "لحظه صمت"

ميار بصوت عالي:متنجزوا ساكتيين ليهه بقي

دينا:شششش شش اسكتي يخربيتك يسمعنا

أنس؛ايه اللي حصل؟

دينا:لا ولا حاجه متشغلش بالك دي اختي بتغلس بس

ميار بصوت منخفض: انا اختك؟ شكرا على ثقتك الغاليه 

دينا بنفس النبرة:شش اخرسي

أنس:لا ولا يهمك..عندها حق بصراحه يعني مش هنفضل ساكتين كدا

دينا:اه طبعا ايوه بس معرفش هتكلم اقول ايه

أنس بتردد:يعني لو حابة ممكن نتقابل في اي مكان مثلا

دينا:ايههه ل..

ميار بصوت منخفض بالكاد تسمعه دينا:شش قولي اه

دينا بنفس الصوت:لا لا مش هينفع

ميار:هقول انا قولي انتي احسنلك

دينا لأنس:احم طيب تم..تمام ماشي

أنس بفرحة:بجد موافقه..اقصد بجد امتى يعني

دينا:الوقت اللي تحبة عادي

انس سريعاً:دلوووقتي

دينا:لا..لا مينفعش..النهارده الجمعه وجايين ضيوف لا لا اعذرني

ميار مقاطعه بصوت عالي:كدابه مفيش حد هيجي..ايوه يا انس هي هتيجي اه هتقوم تلبس هي يلا مع السلامه

انس:تمام ماشي هستنى رنه منك لما تجهزي 

ميار:ايوه اكيد هتتصل بيك مع السلامه بااي.

دينا بعصبيه:انتي عبيطه يا ميار ايه اللي قولتيه دا حرام عليكي

ميار:معلش بقا ما انتي مش هتفضلي ي كدا كتير قومي يلا البسي 

دينا:يييه عليكي طب هقول ايه لماما لازم اقلها معلش

ميار:بس كدا قومي بس انتي البسي وسيبي الموضوع دا عليا انا

دينا:ماشي حاضر بس هي الساعه كام

ميار:اممم الساعه اربعه الا ربع..يعني عقبال ما تشوفوا بعض تكون بقت خمسة تقريباً

دينا:خامسة؟هه..تصدقي مكنتش اتوقع خالص ان ممكن يجي يوم فيه الساعه خامسة ومفتكرهوش او مروحش هناك واقعد..ولا مين كان يصدق ان ممكن حد ياخدني في الوقت دا غيره،سبحان من مغير الاحوال..زمانه مبسوط وعايش في منحته اللي سابني واستهزق بيا عشانها

ميار:خلاص بقا يا دودو،هو نساكي واكيد ربنا هيديه جزائه على اللي عمله ربنا مبينساش حد صدقيني.. طب عارفه يا دينا لما نصبر ونسبها على ربنا ربنا عمره ما هيسيبك غير و هو مراضيكي..دا حتى كفايه انك  هتقفي  ف الاخره قدام كل اللى ظلموكي وهتقولي لربنا مش مسمحاهم و هو هيجبلك حقك..تخيلي بقا قلبك الجميل الطيب دا يبقا مكسور عشان واحده زيه ليه؟

دينا بدموع:افرضي متجبرتش افرضي انس كان فخ وهيكسرني تاني انا مش حمل قسوة تاني مش مستعده اتحمل حاجه تاني ولله

ميار وهي تحضتنها:متقلقيش والله لله قريب جدا قلبك إلى صبر ده هيشوف عوض يجبر بخاطرك جداً.. سبيها انتي بس عليه و وكليله كل امورك هيحلها اطمني يا حبيبتي.

دينا:عندك حق..‏انا  هسيب كل حاجه ع ربنا تيجي زي ماتيجي اكيد ربنا مابيجبش حاجه وحشه

____________________________

انس في غرفته يدور حول نفسه بسعاده لا تقاس بمقدار ويهتف ب شتة العبارات  لنفسه كالمجانين سعيداً غير مُصدق مما وصل له.

"انا مش مصدق.. انا فعلا هشوفها خلاص؟... اخيرا سمحت ليا الظروف وهي اني اشوفهاا.. يااه قد ايه انا طاير من فرحتي فعلا هتجن... جمالها مش طبيعي والله.. الجميل فيها انها تتحب ، والأجمل انها مينفعش تتحب من غيري لأن محدش هيقدر يحبها قدي... انا هقوم البس لازم البس.. البس ايه، لازم البس حاجه حلوه.. حاحه كاجول؟ ولا رسمي،، لا رسمي ايه هو انا رايح انتر ڤيو.. هلبس على زوقي انا.. بس هو داا

___________________________

تجهزت تلك الحسناء امام مرآتها التي تفحص نفسها بها 

كانت جميله كضوء القمر ليلاً، ارتدت بنطالاً من الجينز الابيض وتيشيرت ذو طبعة كرتونيه واشكال هندسيه وحجاب سكري يجعل وجهها اكثر جمالاً. 

ميار: ايه دا ايه الجمال دا والشياكه دي وال... ايه دا دا؟

دينا: ايه في ايه شكلي وحش صح؟ مبهدله طب؟ 

ميار ضاحكه: ايه يا عيلة التيشيرت دا؟ 

دينا: ايه ماله مهو حلو اهو

ميار: هو انتب في حضانه يا بنتي؟ 

دينا: يوه ملكيش دعوه لو غيرته مش  هنزل

ميار: لا لا خلاص انزلي يلا

دينا: طب وماما؟ 

ميار: متخافيش انا قلتلها

دينا: وقالتلك ايه؟ زعقت صح؟ 

ميار: يا بنتي هو انتي في ثانوي انتي كبيرة مش صغيرة بصي هحكيلك بسرعه

Flash back 

ميار: خالتو يا خالتو  يا خالتو عم الناس ايوه دي خالتي ست الناس

رفيف: لخصي عايزه ايه؟ 

ميار: ايه دا هو في ايه مش حرام ولله كدا

رفيف: ششش عاوزه ايه يلا 

ميار: طب من الاخر بقا هحكيلك من طقطق ل سلام عليكم 

"روت عليها ما حدث في المقابلات الاخيرة بين انس ودينا وما حدث في الغرفه قبل قليل" 

رفيف: لا بتهزري؟ 

ميار: لا ولله يا خالتو بتكلم بجد وهي قالتلي انها مش هتنزل من دون علمك وانا اصريت انها تنزل وجيت احكيلك

رفيف: اه يا بنت اللزينه طب والله جدعه علي رد فعلها.. وانتي اللي بتحرضيها بقا ها؟ 

ميار: انا يا خالتو لا لا حد الله بيني وبين التحريض على حد،بس يعني بصراحه دينا محتاجه تتفك شويه هي مبقتش صغيره، ولازم تاخد خطوة في حياتها تنسيها اللي ما يتسمى دا

رفيف: صح ولله عندك حق، طيب انا معنديش مشكله روحي قولي لها تجيلي يلا

ميار: تحيا خالتي تحيا.. فوريره هروح اناديها

Back 

دينا:كوييس اوي بحد، مش عارفه اقلك ايه ولله، هروح بقا اشوفها عاوزه ايه

ميار: اوك ماشي يلا ربنا معاكي

(في غرفة والديها: 

رفيف: ادخل

دينا: احمم.. انا جيت اهو يا ماما 

رفيف: ايوه يا بنتي تعالي اقعدي هنا يا حبيبتي

بصي يا دينا انتي مبقتيش صغيره وفهماني.. عشان تحطي رجلك على اول الطريق اللي مفيهوش مطبات.. لازم تنسي انتي وقعتي كام مره وخدتي كام مطب قبل ما تمشي بسهوله كدا... مفيش حد حياته بتقف على حد لازم كلنا نعيش ونتجاوب مع الحياة.. والحياة فيها امتحانات كتيره وعقوبات اكتر احنا مينفعش نخطيها لوحدنا ولا نعديها بتفكيرنا احنا بس.. كلنا محتاجين شخص في حياتنا يسندنا دايما ولو وقعنا يقومنا ويفكر ويحل معانا سواء كان صديق او من معارف او مثلا حبيب.. عيزاكي ترمي كل حاجه حصل ورا ضهرك وافتكري دايما اللي بيترمي مينفعش ابدا ابدا نوطي نرجعه تاني خليكي فاكره كويس كوني لطيفه واتحلي بالشجاعه... فهماني يا حبيبتي؟

دمعت عيني دينا من كلام والدتها وكادت ان تبكي ولكن استوقفتها والدتها قائله: لا لا انا مش بقلك كدا عشان تعيطي وتبوظي الميكب

دينا سريعاً: ميكب ايه ولله محطتش حاجه  على وشي

رفيف: ايه دا معقول انا مخلفه قمر كام كدا ياربي

ضحكت دينا وحمدت ربها في سرها علي هذه الورده الطيبه التي رزقها الله بها وهبت في القيام كي تلحق معادها مع ذلك الوسيم. 

____________________________

في ذلك المكان الراقي الذي اتفقوا ان يلتقيان به.. دخلت دينا من باب وانس من باب أخر واصبحوا يبحثون عن بعضهما في جهتين مختلفيتين واخيرا التقوا في نصف هذا المول المزدحم (ويا كأنها صدفه عادي يعني)

دينا: ازيك ي... واكملت بغيظ طفولي: ايه دا؟ انت لابس زيي ليه؟ 

انس ضاحكاً: انا مش لابس زيك انتي اللي لابسه زيي

دينا: وانا ايش عرفني انت هتلبس ايه يعني 

انس: وانا يعني اللي كنت اعرف انك هتلبسي كدا؟ 

دينا: انا اصلا غلطانه اني جبته وهو في منه رجالي وبناتي

انس: انتي فعلا غلطانه يعني دا تيشيرت للكابلز بس وكان عرض الفتره دي بس انتي اشترتيه ليه؟ 

دينا بغيظ: لا وانت الصادق قول انت اشتريته ليه مهو دا للكابلز ولا ايه؟ 

انس ضاحكاً: اه بتردهالي يعني ماشي ياستي مقبوله تعالي يلا نقعد في اي مكان

دينا: طيب يلا 

واتخذوا مكان في مطعم في  المول الكبير مقعدا لهم.. جلسوا يتحدثون في شتة المواضيع المهمه والغير مهمه ويضحكون من قلوبهم وكأنهم يعرفون بعضهم من طفولتهم 

دينا: متيجي نتمشى ونقعد على البحر شويه 

انس: اه اكيد يلا انتي بتحبيه بردوا انا عارف

(امام البحر وهم يسيرون) 

انس: اجبلك ايه ياستي تشربيه؟ 

دينا: اممم.. ممكن شويبس رمان انا بحبه اوي

انس: ايه دا بجد؟ وانا كمان بحبه اوي 

دينا: اه ما انت اصلا قلود

ضحك على تصرفاتها التلقائية وذهب في احضار المشروب لهما

انس: اتفضلي ياستي 

دينا: ايه دا انت فتحتهولي ليه؟ 

انس: لا عادي يعني حاجه من الذوق

دينا: امم مرسي ولله بس هات المقفول دا انا هفتحه لنفسي

هتف في نفسه"هي هتفضل رخمه كدا كتير؟ ماشي اديني صابر"

دينا: انا حاسه اني مش  مرتاحه

انس: تحبي نغير المكان؟ 

دينا: لا لا مقصدش كدا.. اقصد للاجواء مش مريحاني حاسه بحاجه غريبه

انس: اه لا متخافيش متشغليش بالك انتي  

هزت رأسها موافقه ونظرت للبحر شارده

وبعد عدة دقائق سمعوا اصوات صراخ عاليه وأمرآه تهتف صارخه ب "ابنيي الحقووني ابني رااح ابني ضاع الحقووني" 

دينا بلهفه: ايه دا في ايه؟ مش قلتلك انا مش مستريحه

انس: ايه دا انتي مبروكه للدرجادي؟!

دينا: بس بقا مش وقته قوم نشوف في ايه

ذهبوا ناحية صوت الصراخ واستطاعت دينا بخفو حركتها وعودها الممشوق ان تدخل في وسط الزحام إلى هذه المرآه

دينا بخوف: مالك يا طنط فيكي ايه

المرآه: ابني ابني كان هنا جنبي ببص ملقتهوش رجعولي ابنيي رجعهولي

دينا: خلاص اهدي اهدي هجبهولك بس اهدي ابنك عنده كام سنه؟ واسمه ايه كامل..ويعرف اسمه هو ولا لا

المرآه: 8عنده 8..اسمه ياسين محمود عبد العال وايوه حافظه

دينا: طب كويس يعني يقدر يفهمنا..لابس ايه طب.

المرآه:لابس تيشيرت احمر وشورت كحلي كدا

دينا:تمام استنيني هنا حد يجبلها مايه يجماعه عبال ما اجي و وسعولها خليها تاخد نفس 

خرجت دينا من وسط الزخام القاتل إلى انس

دينا: انس بص تعالى ورايا في مكتب في اخر المول في الاطفال اللي بيتوهوا وبندهوا عليهم تعالى معايا ننادى عليه

اتجهوا الاثنين إلى هذا المكتب ونادو بأسم الطفل وبالفعل بعد خمس دقايق لا اكثر وجدوا رجل ما وصله إليهم اخذته دينا مسرعه واتجهت به إلى امه

المرآه بلهفه شديده: ياسين.. يااسين حبيبي ليه مشيت بعيد عني

ياسين: اسف يا مامي بس كان فيه عربيه حلوه اوي بتمشي لوحدها وانا مشيت وراها عشان كنت عاوز اخدها

المرآه: طب مش تقووبي انك عاوزها.. حرام عليك وقعت قلبي 

ياسين ببراءه: اسف يا مامي مكنتش اقصد

المرأة: ولا بهمك يا حبيبي بس متعملش كدا تاني.. وانتي يا استاذه ولله متشكره جدا من غيرك قلبي كان ممكن يقف 

دينا ب ابتسامة : ولا يهمك بعد الشر عليكي وبعدين اهو رجع ماشاءالله علبه زي القمر ربنا يخليهولك

المرأه: ويخلياك الاستاذ اللي جنبك معرفش خطيبك ولا جوزك ولا ايه بس انتو لابسين زي بعض ايا كان ربنا يخليكو لبعض 

دينا سريعاً:  لا لبسنا صدفه و... 

انس مقاطعاً:ايوه هي خطيبتي ربنا يخليلك ياسو الجميل دا عن اذنك

كانت هي علامات الصدمه تبرز عليها لا تعرف ماذا تقول

هتف انس في اذنيها قائلا: استني لما نطلع من الزحمه وابقي زعقي براحتك

دينا: اهو ادينا طلعنا.. انت عبيط يا جدع انت انا مش خطييبتك دي تالت مره اشوفك وغصب كمان

انس: عيزانا يعني نطلع هبل قدام الناس هنكون لابسين زي بعض ليه؟ غير ان فيه بنا حاجه. 

دينا: دي مش  مشكلتي انت اللي لابس زيي واتفضل بقا روحني 

انس: طيب طيب براحه ، ايه داا  بنطلونك واقع عليها شويبس

دينا: ايوه منا لما اتخضيت من صراخها اتنفضت واتدلق عليا

انس:  يا خبر طب تعالي نشتري بنطلون مش  معقول هتروحي كدا دا حتى بنطلونك ابيض

دينا: ليه هو انا شحاته تجبلي بنطلون؟ انا كدا كدا في العربيه محدش هيشوف حاجه 

انس:لو لسانك دا يقصر بسس

دينا:نعمم!!!

انس:لا ولا حاجه يلا يلا.

وصلها امام عمارتها و دعوا بعضهم البعض وبعد ساعات ليست ب كثيرة وصل انس ايضا إلى بيته.. وكان كل منهما شارداً بما حدث اليوم وفي بعضهما البعض

انس كان شارداً بها كالطبيعه ويفكر بها ب قلبه وليس عقله اما عنها فهل هي ايضا كانت شارده به؟

واعيد سؤالي مره ثانية.

هل يصبح العقل بلا فائده عندما يعشق القلب احدهم؟

#بقلمي

#نادين_العزومي