بقلم / طلعت حلمى عامر
الأوله فى الغرام
جت على بالى
والتانيه بدا الكلام
مادريت أنا بحالى
والتالته كتر الملام
خلانى أعيش خالى
أصل الحكايه يدوب حرفين
الحاء :
حكايه غرام حبيبين
والباء :
بداية لكل شئ زين
والعشق بين قلبين
يتغنى بالمواويل
والبسمه جوه العين
تملى الحياه ماتميل
وأنا فى الغرام عايش
قلبى ياناس طايش
وبقيت خلاص درويش
مش راضى بالتهميش
مهما لمونى الناس
قلبى اتملى احساس
هـــو الهوى يتقاس
ولا علــيه حراس
دا الحب له أجراس
يا خلق دلونى
ليه بس تلومونى
دا العشق دا سجان
قاسى وله ألحــــان
لا يوم تتوب عنه
ولا يتشبع منـــــه
والكل داق منـــه
مهما تشوفه عذاب
دايما على الأعتاب
يدخل جميع الألباب
وطريقه كله عتاب
يدخل بدون أسباب
قوموا افتحوا لُه الباب
تعليقات
إرسال تعليق