كتب : تريزا منصور
من اسوء التجارب اللي في حياتنا انك تكون محتار ما بين عقلك وقلبك مابين واقع عايش فيه ومتردد فيه وواقع بتحاول تكدبه مابين عايز ده ورافض ده .
الحيره اسوء حاجه يمر بيه الإنسان لانها من الاختيارات الصعبه اللي ممكن تخليك مرتاح البال ومابين دمار يندمك علي القرار ده بالذات لما يكون في حيره كبيره ومصيرها اصعب .....
فحيره العقل سهله ممكن تتغلب عليها في حياتك وقرارها سهل جدا انك تختاره لأنك ممكن تشارك اراء أشخاص تاني لان العقل ممكن السيطره عليه وخلايا المخ ممكن شخص بكلمه منه تدخل عقلك فتبدل كل حاجه بتفكر فيها
امه حيره القلب فهي متعبه ومهلكه بالذات لما بتأثر عليك ووقتها هتندم علي الاختيار ده ومن الحيره الكبيره اللي جواك ومابين الصراع اللي مابين القلب والعقل
قلوبنا فيها حيره كبيره من أنك تكمل أو تقف علي الاختيار ده حتي لو هيبهرك في البدايه بجمال وروعه الاختيار وان وثقت أن آخره حيرتك مريحه بس ممكن توقعك جامد في نهايته
الحيره من النعم الصعبه والتجارب المهلكه في حياتنا بتوصل للفشل في آخر الطريق
حيرتك ممكن توصلك لاحسن طريق لو دخلت ربنا وشاركته في كل أسلوب بتفكر فيه إذا كان بعقلك ولا بقلبك
يمكن ربنا مش بيرد في نفس التوقيت بس ممكن يدخلك في طريق أو تقابل حد يغيرلك كل حاجه في حياتك
حتي حيرتك تفكيرك كل حاجه قفلتك في الدنيا ممكن ربنا يبعتلك رد للحيره دي تخليك تطمن وترتاح وكل حاجه مرتبلها ومحتار فيها ربنا قادر لوحده يطمنك ويريحك قادر طول مانت بتشاركه بصلاتك هو ديما بيحطنا في اختبارات صعبه حتي في حيرتنا علشان نلح عليه ونلجأله
اوعه تسيب حاجه تأثر عليك إذا كان قلبك أو عقلك أو تخلي الحيره توصلك لتوتر واكتئاب
كلنا بنفكر وبنحتار في حياتنا في كذا مشكله وكذا تفكير وكذا اختبار
بس اتاكد أن آخره الحيره دي راحه والراحه دي من ربنا لانه اكتر واحد بيقسم حياتنا حسب ماشايفها صالحه لينا
حتي لو بعدنا عن حجات كتير وصعبه علينا وحيرتنا تعبتنا من كتر التفكير اتاكد أنه مرتب لينا الاحسن وانها مش شر بالعكس ده خير وخير كبير اوووي
متحتارش ولا تفكر سيب كل حاجه بترتيبه سيب اللي يكمل يكمل واللي ينتهي ينتهي لانه كله في النهايه حلو
احنا قلوبنا بس بتحيرنا باحساسنا ومشاعرنا وبنمشي بيها بس في الاخر الحيره ليها نهايه
الحيرة قلب يريد.... وعقل لا يريد...
بس النهايه ربك هو اللي يريد ......
تعليقات
إرسال تعليق