كتب /عبده جاد الرب
خايفين لا نفتح بؤنا
بحبة حروف
ملونا خوف
خلونا ننسي اننا
من حقنا..نصرخ ونطلع م الظلام
حاسس باني غريب وحيد
عايش علي حبة ركام
من ذكريات عاشت في قلبي من زمن
طاب والتمن
خايف اقول اني بشر
من حقه يتكلم وينطق مش حجر
ظلمو قلوبنا وحبنا
خلونا نندم علي اللي فات من بختنا
سرقوا حلاوة عمرنا
واللي مضي مش حقنا
واللي انكتب من فعلهم علي ضهرنا
حاسس كانه كان زمان ترتيب لنا
الظلم من الاحباب كتير
وانا مش بكدب فعلهم
لكن بغير
من حقي اغير
عايز حبيبي ينام ويصحي بالهنا
واكون انا من اول اهتمامات حياته ايوا انا
طب والعمل
القلب واقف ع العمل
العقل واقف من العمل
حالة شلل
حالة خمول والجسم مليان بالكسل
عايز افوق
واوقف طابور الصبح مليان بالامل
مش بالملل
ارجع واقول الحب قاتل مختفي
ساكن طريقي وسكتي
حالف يدمر دنيتي
واخد عنيا روحي ومهجتي
وانا زي ما يقول الهوي
مغصوب هعيش
ميهمنيش
مين اللي حابب دمعتي
او مين هيكتب فرحتي
تعليقات
إرسال تعليق