كلمتين لكى انتى وبس بقلم .. فاطمه محمود / وطنى نيوز

 

 

سيدتى الجميله ...ممكن تسمحيلى.... تخليكى معايا دقيقتين علشان عاوزه أقولك كلمتين .

خدى بالك من نفسك . اهتمى بنفسك فى كل وقت . لما يكون وزنك زايد خسى . لما تكونى تعبانه خدى دواء . احرصى على سعادتك وراحتك النفسيه فى كل لحظه . هدي اعصابك . بلاش تحزنى وتبكى ولا تسمحى لحد اساسا أنه يقهرك ويبكى عينك . خليكى صامده قويه بقدر ما أتاك الله من قوه . مفيش حاجه اسمها أنك تنسى نفسك . صحيح أنتى شمعه تحترق من أجل أولادك لكن خدى بالك أنك بتاخدى بالك من نفسك برضه علشانهم وعلشان كل الناس اللى بتحبيهم .

أهم حاجه أنك تضعى أمام عينك أن صحتك الجسديه أساسها صحتك النفسيه .

هتحافظى على صحتك النفسيه وفى نفس الوقت هتابعى وزنك دائما وتأخذى نظام غذائى صحى ومتوازن وتهتمى بعقلك وثقافتك لنفسك أولا ثم لمن حولك علشان زوجك أو اولادك لما يتكلم معاكى تبقى فى الصوره مش تقوليلهم أنك مش فاهمه كلامهم .

وأهم حاجه فى كل حاجه عبادتك وتقربك لله سبحانه وتعالى . سجودك . قرآنك . صدقتك . دعائك .

أنتى مهمه جدا فى الدنيا علشان كده لازم تعملى أحسن حاجه لنفسك علشان تكونى دائما فى أحسن حال .