عيد الحب بقلم فاطيمه محمود/وطني نيوز

 كتبت/فاطيمه محمود

كلام بالعامى للزوجه المصريه

علشان تكوني زوجه سعيدة؟

خليكى فى حالك اقفلى بابك عليكى .لا تدخلى فى حياة.حد ولا تسمحى لحد يتدخل في حياتك

* مالكيش علاقة بمراة اخوكى ،(،،لبست ايه جابت ايه .اكلت ايه.شربت ايه ...ملكيش دعوة )

* مالكيش علاقة بسلفتك

* مالكيش علاقة باخت جوزك...

علاقتك بيهم قايمة على الود والاحترام فقط وضعى تحت الكلام ده والكلام الجاى مليون خط

ومالكيش علاقة بيهم وبخصوصياتهم وقللى من العلاقات والحوارات اللى تعملك مشاكل ...هما احرار بأنفسهم

..وانتى حرة فى أى حاجة تعمليها

* إنتي مش خدامة حد ولا حد خدام عندك .. كل واحد خادم لنفسه"..وأي حاجة حتعمليها تبقى ذوق منك..

* اقطعي علاقتك بأي حد يسحب راحة بالك وإوعي تكوني منافقة ارضاءا لغيرك .قولى ارائك بلباقه وبذوق.وبلاش مبدا انا اقول للاعور انت اعور فى عينه حتى لا تتسببي فى جرح الاخرين

* مفيش حد مضطر يتحمل شقاوة ولادك بحجة انك مدلعاهم.. كوني خفيفة الظل.ودلعى ولادك فى بيتك

* إوعي تخربي حياة حد لو عايزة ربنا يعمر بيتك 

* لا تتدخلي بين الإخوان والأخوات بل اصلحى بينهم

هيحبوكى

* متسعديش حد على حساب سعادتك حتى لو بكلمة..ومضحيش براحتك علشان راحه حد ...علشان محدش بيقدر وكله بينسى

* اوعي تسكتي عن حقك

* خلي علاقتك بأهلك كويسة أوي لأنهم سندك الحقيقي بعد رب العالمين

•خلى تعاملك مع الناس فى حدود علشان محدش يتجرأ عليك!

من الآخر خليكي في حالك

هكرر تاتى ....

خليكي في حالك تعيشي سعيدة

ربنا يجعل حياتك كلها سعاده فى سعاده

اهتمى بنفسك علشان محدش فاضيلك

كلى كل يوم علبه زبادى

و اشربى ينسون علشان يزود هرمون الاستروجين وصوتك ينعم وبشرتك تتحسن وتزيدى انوثة

* اشربى زنجبيل علشان تبقى ريحة عرقك حلوة

* امضغى دايما عودين بقدونس علشان ريحة نفسك تكون احلى

* اشربى دايما حليب قليل الدسم علشان يمدك بالكالسيوم  قللى اكل الحجات المحفوظة والمعلبه والتونه علشان مليانه مواد حافظة هتجيبلك الزهايمر بدرى

* قللى من السكر الابيض علشان بيخلى تجاعيد الوجه تظهر بسرعه

 بطلى تتخانقى مع جوزك  ليه بقي عشان هو بيتخانق معاكى من هنا ويروح يسهر مع اصحابه وانتى تتخانقى معاه من هنا وتقعدى تنكدى لحد ما يجى

*  حاولى تتفرجى على ناشونال جيوجرافيك كل يوم علشان تقوى ذاكرتك

 زودى شرب المياه علشان بشرتك تتحسن ومش تكون مجهدة

* كل 3 ايام خدى على الريق معلقة عسل ابيض على كوب مية وبعد ساعه افطرى

* خدى بالك انتى مالكيش قطع غيار ومحدش هيسلفك صحته ولو حتى عيالك نفسه .

دكتورة فاطمه محمود