مصطلحات كتير إختفت من الزمن الجميل زمان و ألفاظ زمان /وطني نيوز

 

كتبت/ إكرام بركات

الحكيم ، الاوتومبيل ، يا اكسلانس ، الاسبتالية ، الاجزخانة ، البندر ، التوجيهية ، الشكمجية ... الخ

علي سبيل المثال الصبح كنت تقول ( صباح شريف او نهارك سعيد ) .. و عندما تكون في الشارع و تريد أن تسأل أحد عن حاجة تقوله ( قولي من فضلك ) و عندما يساعدك و تريد أن تشكره تقوله ( أنا ممنون لك خالص )

و عندما تعجبك حاجة و تبقى منبهر هتقول ( دي حاجة ١٣ خالص )

و إذا كانت ست واقفة مع جارتها هتقولها ( أما أروح بأة أحسن اللافندى بتاعي يستعوأني )

وإذا أردت تبدأ كلامك عن موضوع تقول ( أنا غرضي أقول .. )

و عندما تتعصب تقول ( دا شيئ كتير خالص ) .. فاللي قدامك يقولك ( هدي أخلاقك يا أفندي )

و كلمة أفندي وقتها كانت بتتقال لأي حد صاحب شأن في المجتمع ، لأصحاب الوظايف المدنية و الدينية

حتى لما تحب توقع بين حد و التاني هتقول ( قال على سعادتك كلام بطال خالص )

و الشتايم وقتها كانت ( كروديا ، دهول، دغُف سدِغ ، جلياط ، مغفل )

و كانت المعاكسة زمان مثلما كنا نراها في أفلام أبيض وأسود عندما تحب تعاكس ست في الشارع هتقول ( بونسوار يا هانم ) .. فلو عجبت الهانم هتبتسم في خجل و تبدأ الحكاية ما بينكم ، لو ما عجبتهاش هتقولك ( يا سم )