بقلم // الشاعر طلعت حلمى عامر
زفوها ................... زفوها يالا
دى عروسه ....... الف ماشالله
زينة العرسان وعليها جمال
تتحنى وتقعد فى الكوشه
زفوها ..................زفوها يالا
دى عروسه ...... الف ماشالله
زفوا الفرحه وهاتوا الطرحه
ولفوها
عروستنا اهى طايره من الفرحه
حنوها
الليله دى ليلتك ياعروسه
م العين يارب محروسه
وعريسك حتة بسبوسة
زفوها ............ زفوها يالا
دى عروسه ... الف ماشالله
قيودا الانوار واعقدوا شربات
هيصوا يا ولاد زغرتوا يا بنات
دا الفرح هيسكن فى حارتنا
شغلوا ديجهات علوا الاصوات
صوروا بالفيديوا احلى الاوقات
والفرح هيسعد لمتنا
زفوها ................ زفوها يالا
دى عروسه ...... الف ماشالله
تعليقات
إرسال تعليق