بقلم / أسماء كمال
فاضي شوية !!؟
نحكيلنا حكاية ع كام غنوة
والغنوة هتكون بدموع
ع كام شخص حزين موجوع
بيسرخ وبأعلي صوته لكنه مش مسموع
وع ظلم امبارح
ع واحد خان العهد وطالح
شوفت امبارح كان ف ايه
ابن الظالم بيتقاله يا بيه
وانت ملكش رأي وكلامك مش مسموع
تتبهدل وتتهان ومتقولش ليه
عرفت امبارح كان ف ايه
ام بتخسر ابنها عادي
وانت هتمشي تأيد ظلمك وتكون راضي
وترفع ايدك تعظيم بسلام وتقول ماشي
طب وبعدين!؟
حتي وبعدين بقيت كلمة مباحة واياك تنطقها ف يوم
وألزم صمتك ومتجيبش لنفسك اللوم
وعالعموم
احنا بقينا خلاص راضيين
واهو ظلم بظلم وعايشيين
ف متجيش تقولي ف ايه
وتحط علامة استفهام
وتشير اخبار ف اعلام
علشان ف الآخر هتكون غلطان
شوفت الواقع بيكون ايه
ابن الظالم يتقاله يا بيه
تعليقات
إرسال تعليق