بقلم / اشرف الشرقاوي
تحية لجندي مرابط علي الحدود إسمة مينا ومعاة محمد وعبد الودود علي الجبهة واقفين يحكي التاريخ عنهم أبطال ٌأسود يتمنوا الشهادة بشرف وأحكي يا بلد عن زمن الإسود مينا ومحمد وعبد الودود عاملين علي الجبهة ساتر بكتافهم تقول بقلوبهم تقول بأيمانهم وحب ربنا ساتر.ساتر بيحمي عرضنا ساتر بيحمي أرضنا.
مينا أسد علي الشط واقف سلاحة في يدة إيمانة في قلبة وأقسم وحالف ما هنكسرك يا بلدنا ولا لعهدنا هنخالف.
وصوتك يا محمد صرخة تلالي في ليل الصحاري تهز قلوب تضعف نفوس وترعب وحوش البراري أنا المصري محمد اللي مرابط علي الحدود دفنت قلبي بأيدي وحالف ما في يوم أعود الإ بعزك يا بلدي وأمنك ليكِ يعود وأنا مرابط علي الحدود
وأوعاك تنسي يا عبد الودود بلدك أمانة شرفك أمانة عرضك أمانة واللي يفكر يلمس شبر منها يا ولدي فعرفك إهانة.
إطمئني يا ُأمي ومتخافيش أنا ومحمد ومينا نار ومتنطفيش وقلبي يا أٌمي دفنته وشابك إيديه في أيادي مينا ومينا إيدة في إيد محمد عاملين يا أًمي ساتر, ساتر بيقفل كل الاماكن .
ومش قال ليكم رئيسنا في عيد الميلاد المجيد إطمئنوا يا مصرين اللي هيفكر يمسها من علي وش الإرض هنشيلة . دي مصر الاصيلة, مصر الكبيرة اللي يا ماحطمت سفهاء. أيادي مسلم تمسك صليب وأيادي مسيحي تمسك هلال الكل واحد قلب واحد وطن واحد عزنا واحد شرفنا وعرضنا واحد أوعي يا مصري القسمة والفرقة تعرفلك طريق الرب واحد والقلب واحد والوطن واحد وأعدائك يا مصر كتير . فتحية لجندي مرابط علي الحدود ابن عمي محمد واخويا مينا وعبد الودود
تعليقات
إرسال تعليق