شعر .. بقلم / طلعت حلمى عامر
انا ادم
انا وجودك
انا عايش فى تكوينك
انا كونك
صحيح ان انتِ من نَفسى
فـ ليه على قلبى تتنافسى
وليه بتعاندى وبتقسى
وأنا قبلك نزلت الكون
ودعوة ربى كن فيكون
ملايكة ربى سجدولى
وعلى بابك بقيت مجنون
ورب الكون انا غلبان
وإنا عايش بروح انسان
معاكِ نزلت م الجنه
وجايه تقولى اتجنى
وانا انسان منيش جِنِّى
انا أمك وأنا أبوكى
وانا اللى عينيا ربوكى
بقيتى انتِ خلاص أمى
وفى الدنيا سبب همى
عليا تقولى وتذِمى
وانا مسلم منيش ذِمى
فيا حوا بقى اتلمى
دا دمك بـ يسرى من دمى
ولو كنتى صحيح أمى
فانا راضى أكون سيدك
ونبض القلب بـِ يريدك
وكلمه هقولها يوم عيدك
كفايه الفرحه بوليدك
وايدك تبقى مع ايدى
مخلوقه ليا السكن
و بتهربى فى المِحَن
ليه كل ما أطلب مدد
ردك يجيلى بـِ مُحن
وأنا راضى بالمكتوب
عايش وكلى ذنوب
لكن انتِ بالشقلوب
عايشه الحياه بالعدد
عينك تزوغ عـ المال
وإن قلبى ليكى مال
ردِك يكون فى الحال
قول رأس مالك كام
والرزق مش فى المال
الرزق راحة البال
والصبر له أحكام
والرزق م الرحمن
بقلم .. طلعت حلمى عامر
تعليقات
إرسال تعليق