رانيا نصر
في قانون كرامتي هي ابقى
في قانون كرامتي هي اولى
من الحب ومن الهُيام
في حدود كرامتي مفيش كلام
مافيش تعدي ولا اقتراب
هي حاجه مقدسه زي قِبله في محراب
في قانون كرامتي اولى منك
ومن حبي لقلبك
وحتى من قلبي ولو هدوس عليه
مين اللي قال في الحب مفيش كرامات
ده من غيرها يبقى الحب مات
واي وعد زيف وكذب وتراهات
الحب فيه كتير تنازل مره خد ومره هات
الا الكرامه ونظرتي بيني وبينها
دا انا عايشه بيها وعلشانها
واموت فداها
وما اتنازلش
في قانون كرامتي وحدودها مفيش فصال
دي وطن جوايا انا
علشانه يبقى فيه حرب ونزال
في قانون كرامتي هي ابقى من اي كلمه واي وعد
ضيها في قلبي اكبر من البرق
وصوتها أعلى من الرعد
لو بتحب حقيقي بجد هتحط حواليها حد
وهتقول ممنوع الاقتراب
حتى منك او من اي حد
الحب يعني كرامتي تبقى من كرامتك
متجيش عليها عظمتك
دي حاجه متجيش بالفلوس
اوعاك تفكر ان تقدر يوم عليها تدوس
ممكن في حق قلبي اسامح واتغاضى مَره
انما في حق كرامتي فالتغاضي حقيقه مُره
ميقبلهاش انا قلبي يوم
لو قبلها ليه الف لوم
انا ممكن اودس عليه وبايدي اقتله
مستحيل راح اسامحه أو اتحمله
في قانون كرامتي مفيش فصال ولا قيل وقال
ولو هعيش بيها وحيده
هبقى بلغت المنال .
تعليقات
إرسال تعليق