مرحله الصمت / وطني نيوز

 

 كتبت :فاطمه محمود

عارف لما يجي عليك وقت مش عايز تتكلم مع اي شخص و لا عايز حد يتكلم معاك ...

دي انا باسميها مرحله الصمت او السكوت ...وبيكون معناها. حاجتين 

1-نفسك جابت اخرها من الشحنات السلبيه 

2-موجوع من صدمه حصلتلك ومش في ايديك حل فبتفضل الصمت ...

في بعض الاحيان الصمت بيكون صحي ولكن لو انت وصلت للمرحله دي ...ما تبعدش عن الناس اللي حواليك ممكن توضح ليهم انك مش قادر تتكلم لكن متبعدتش خليك معاهم ...لان مرحله السكوت هتاخد وقتها وهتنتهي ساعتها هيجي مرحله دور الناس اللي حواليك (طبطبه او تشجيع او امل ....الخ )

لو مرحله الصمت فترتها كانت كبيره يبقي لازم تتكلم مع حد بترتاحله .. بتحبه ...مهم انك تتكلم علشان تخرج كل شحنات القلق او التوتر او الحيره ...مهم انك تطلعها... انك تكتفي بيها بينك وبين نفسك لفتره كبيره هيتعبك اكتر ...

الشيطان بيجي لانسان فتره ضعفه وهو مهزوم او موجوع وبيدوس علي الجرح بافكار سلبيه تخلي جرحك يزيد اضعاف اضعاف ...وفتره الصمت الكبيره جدا بتدي فرصه لافكار السلبيه تزيد اكتر لانك ببساطه مش بتسمع غير نفسك وتحليلاتك واوجاعك...

متبعدتش عن الناس اللي بتحبك وخايفه عليك ...خليك قريب منهم ..انت في مرحله محتاجهم فيها ...متسبش نفسك لصمتك الكتير ...دايما في حلول ...لكن تقبلها ليه وقت ...

دكتوره فاطمه محمود