كتب : تريزا منصور
الصبر مفتاح الفرج هي الكلمه دي صح ولا كلمه محفوظه وخلاص صبرنا وطاقتنا بتختلف بين الأشخاص فإنك ممكن تصبر علي مشكله علي مرض علي شخص وفي غيرك معندهوش طاقه للصبر بس في غيرك معندهوش غيره لانه واثق في ربنا وراضي بقدره راضي باللي مكتوبله ودي حاجه عظيمه علشان ردها كبير اوووي من عند ربنا
بس لو لاحظنا أن الصبر ربنا خلقه بينا علشان حجات كتير علشان تعلمنا وتقوينا ونصمد والأهم نوصل لدرجه الرضا
انك تصبر علي مرضي فهتلاقي ربنا يرضيك فيه اووي وهيشفيك وهيعوض صبرك في مرضك بحاجه كبيره عارفه الكلام صعب لا مش صعب علي اي شخص يعمل حاجه ربنا عطاني الضعف والقوه بس إيمانك هو اللي بيقويك
انك تصبر علي شخص فاتاكد أن الشخص ده غالي عليك والصبر اللي ربنا عطهولنا اللي نعمته كبيره خلاك تصبر علي الشخص ده علشان عارف انك اد ايه بتحبه وبتصبر عليه علشان متخسرهوش
وانك تصبر علي مشكله انت شايفها كبيره وصعبه باردو عطاك القوه للصبر علشان نتيجتها ممكن تكون عكسيه وتكون ضدك في الاخر
انك تصبر علي امنيه في حياتك ربنا بيحاول يقربك ليه وبالامنيه دي بتفضل تدعيله وتقربله وتطلب منه أنها تتحق
ايوب اد ايه صبر واستحمل وربنا عطاله ماتمناه واكتر من الشخصيات المعروفه كان رجائهم الوحيد هو الصبر وفي الاخر نالوا كل حاجه حلوه في الدنيا
احنا في الحياه دي مش بنحاول نشوف الحلو اد مابنشوف ونحس بالوحش اسهل واسرع
كون اد صبرك واقتنع أن ده رضا من ربنا هتلاقي عوضه حلو وكبير إذا كان مقابل مرض! مشكله! صاحب! امنيه! شغل !
في مثل بيقول تصبر تنول ؟؟؟؟
احنا في وقت صعب لا بقينا بنستحمل بعض ولا بنصبر علي بعض احنا بس بنقاوح وبنجرى ونسعي لنخسر بعض
الصبر ده بقي مفتاح الفرج فعلا مفتاح بيفتحلك كل السكك اللي ممكن تتقفل
الصبر حله الحب ! ازاي ؟؟
لو اتعاملنا بحب علي اي نعمه من نعم ربنا اي كانت هي ايه او من وجهه نظرنا صعبه او مش قادرين نصبر عليها
هنلاقي الحل سهل
زي ماربنا خلق لينا نعم كتير في حياتنا فالصبر ده مش اكبر نعمه وبس الصبر ده حياه كامله وحلوه ممكن نعيش مرتاحين البال بيه
الصبر ابتلاء فوافق واطيعه فاعطاك ربنا من وسعه وهناك بيه في آخرته بالحلو كله حتي لو طلبنا بسيط في الدنيا ومتحققش مع الصبر والرضا هيتحقق
عارفين لما نحاول نصبر علي كل تجربه صعبه ربنا عطهنا ونبص ليها بنظره حب ورضا هتبقي واثق أن ربنا كاتبلك اكتر ما صبرت
اصبر فإن الحياه مليانه بالحب مليانه بالتفائل
خلي عندك امل في الدنيا فهتصبر علي كل حاجه تقابلك في طريقك
الاهم بقي انك يكون عند يقين بربنا علي صبرك أنه هيعوضك أنه هيزودلك فرحتك بالصبر ده اضعاف ماكنت بتتمنا
كن صبورا مع الحياه فهتلاقي الحياه تبتسملك بكل حاجه حلوه وكل خطوه هتخطيها هتلاقي فيها فرحه لأن بقي عندك اقتناع ومحبه ورضا مع نفسك علشان الصبر مفتاح لكل خطوة في حياتنا
علشان تصبر خلي عندك ثقه في ربنا كبيره اوووي .. ادعيله وقربله هتلاقي ايمانك بيقوي صبرك
تعليقات
إرسال تعليق