كتابة الشاعر// طلعت حلمى عامر - طنطا . الغربيه
ياعــم ياقـهـوَجي خلي الطـّلَب ينســون
الجــو بَرد وهـوا والطقس مش موزون
وهات معـــاك للعيال ســحلَب يبُخ الدّفا
سُـــكر زياده عشان برد الشـــتا مجنون
وسُـك ع البيبِسـي بالضـــّبّه والمـفـتـاح
مع إنُّه ياقهوجي عند العيـــال .. أفيون
الأستاذ / فتحي عبد الغني
حاضر يا أستاذ عز
هنجيبلك المطلوب
سحلب مع ينسون
سكّر على المطلوب
والقهوه لو حبّيت
إشربها مظبوطه
برد الشتا خلّيه
يبعد عن الأحباب
أما عن البيبسي
راح نبعده في الحال
أمرك يا أستاذ عز
عِزّك تملّي يدوم
ولا عمر برد الشتا
يقدر يخوّفنا
وحسابنا يا أستاذ
خلّيه على النوته
مجدي فرج عامر
ياعم ياقهوجي
قهوتنا مضبوطه
وجيب معاك سحلبي
وللصحاب عناب
والميه وقعت هنا
امسحها بالفوطه
واسعفنا وحياة ابوك
لحسن كده هنام
وسجل المشاريب
واحسبها ع النوته
دا شاعرنا عز الدين
ما شبعنا منه علام
اللواء/ مجدي البكري
يا عم يا قهوجي مين قال تجيب يانسون ؟
دا راضعة للمولود محطوطة في الببرون !
ابعت و هات العشا من ريستوران كريون
حبة فواكه بحر و كابوريا مع ربيون
خليني احس الدفا طالع من السيرفون
بعد العشا هات شاي بس احذر البريون
ابعت لنا الشيشة و هانحلي بالميكرون
سمعنا صوت الست عن ساحرة العيون
وقف الخلق يومًا .. جميعًا ينظرون
الشاعر المبدع /طلعت حلمى عامر
ياعم ياقهوجى عندك طلب مظبوط
استاذنا عزالدين عنده الكلام مشروط
انك تقول الشعر مع شاى تمام مظبوط
اما عن الينسون اعمل حساب اثنين
استاذنا عز الدين يغزل حروف بخيوط
استاذنا فتحى الشاعر داخل معاه فى الشوط
وحبيبنا مجدى ابوعامر هات له طلب مخلوط
قرفه مع جنزبيل وحبتين بركه
واحنا بقى الاربعه (هنرتب المخطوط)...... او ( هنمزمز المخلوط)
تعليقات
إرسال تعليق