بقلم الشاعر والأديب/محمود حسين حنفي
بتقول لي النهارده مسامحك
وأنا أصلا نسيت ملامحك
جاي تقول أنا آسف ليه
هو أنت بالنسبه لي إيه
يفيد بأيه الإعتذار
ما أنت سايبني وأنا بنهار
ضيعت منى العمر في ثانيه
وجاي النهارده بقصه تانيه
أنسى إللي شفته منى زمان
مليت قلبي من إلاحزان
أنت في حياتي ما لكش وجود
أنسى إللي فات ثاني يعود
ولا هاكتب أسمك في ذكرياتي
أو حتى أشوفك ليوم ماماتي
علمتني أعيش بالقسوه
ضاعت حياتي ما بقتش تسوه
ما لكش عندي غير كلمه واحده
و ما تعتذرش لو حتى لحظه
أنا مش هقبل منك أسف
ما خلاص الوش التاني أنكشف
كفايه كلام مش هاسمع منك
بقى لي كلمه أنا عايز أقولك
بكره هيجي عليك الدور
وتعيش حياتك وأنت مكسور
وساعتها هاشوفك قدامي
تتمنى يرجع زمانا تاني
علشان تصلح إللي كسرته
وترجع قلبي إللي أنت خسرته
وأنا مش هقبل الإعتذار
وهيكون ده رد أعتبار
تعليقات
إرسال تعليق