فيها حاجه حلوه .. بقلم : ابوسليم عبود / وطنى نيوز

 

 

كتب ابوسليم عبود

 

كل يوم وكل ساعه تحصل حاجه في البلد دي تجدد جواك الامل وتخليك تدوب فيها عشق وتتاكد ان بكره بعون الله هيكون أجمل

تحس ديما ان فيها حاجه حلوه

في نفس الوقت إللي ممكن تبص حوليك تلاقي آلاف المحبطين والمثبطين للعزم والهمم بس فجاه كدا ربنا بيخلق لنا شعاع من نور يبدد بيه ظلام اليأس والإحباط ويخليك تقول فعلا فيها حاجه حلوه

وليس ادل علي ذالك أكثر من هذه المعجزه الحد ث اللي لوحصل في أماكن وبلاد تانيه كان اتعمل عليه بروبجندا تكفيه مليون سنه

حدث بالفعل في كوكب مصر العظيم

حالة مصابة بكورونا وصل نسبه الأكسجين في دمها ل ٣٥٪ ولا تستجيب عند وضعها على الأكسجين لأن الرئة اتقفلت بالجلطات خلاص

وتبدأ نسبه الأكسجين تقل خلاص حاله الأم الشابة بتموت وقبل متروح_فالغيبوبة_توصي الطبيب باللفظ

( والنبي يادكتور متيتمش عيالي ) ويكون رد فعل الطبيب انه هو وطاقم التمريض المخلصين ولمدة خمس ساعات متواصله يعملولها تنفس صناعي يدوي ( ambu bag)

ويقسم_الطبيب_الشاب انه لن يتركها ولو لزم الأمر أنه يعملها للصبح مع العلم بصعوبة عمل التنفس الصناعي اليدوي..

ثم قام بوضعها على جهاز التنفس الصناعي بأعلى ضغط لأن حتى التنفس الصناعي اليدوي حافظ فقط على نسبة الأكسجين وعلى حياة المريضة لكن لم يرتفع وقام

بمنتهى_الحرفية بتركيب انبوبتان للصدر..

وللعلم إذا لم يتم تركيب الأنبوب الصدري بشكل سليم مع ضغط الأكسجين يحدث أن تنفجر الرئة فورا...

ووصل الأكسجين في دمها ٩٩٪ بفضل الله وبفضل

د. أحمد عنتر القرنشاوي وطاقم التمريض... مش محتاجين غير دول ونكون في ضهرهم ونلتزم علشان يقدروا يساعدونا..

فعلا دول جيشنا الطبي الحقيقي.. وده كله رغم أن في ليهم حياة وبيوت وراضيين بالتقصير فيها بس نساعدهم ونلتزم

لازم نتبع تعليماتهم ونمارس عمليه التباعد بقدر الإمكان

لازم نرتدي الماسك الخاص بينا واخيرا

تحيا بلادي وشعب بلادي

اللهم ازح الغمه وابعد عنا الوباء والبلاء

اللهم امين يارب العالمين