مشهد قصير ف السيما
أن الحب موضة قديمة
وانك لو تختاري يبقا واحد عليه القيمة
ومش مهم شكله لبسه أصله المهم أنه راجل
سيبك يبنتي م شكله المهم أنه عاقل
وضحي انتي مش مهم
دا هيخليكي مبسوطة ومش هتشوفي هم
وبكره تلبسي ع الموضة وتكوني متهنية
هتكوني ست قصر ف زمانك
وعشان تعرفي تعيشي معاه بلاش ترمي ودانك
وانك صبية لسة مكملتش العشرين
هيكونوا اهلك اولي بالقرار
هتكوني اصغر زوجة بالفستان
داخلة لحياه مش فاهمه دورك ايه
هتشوفي عكس الي اتقال
لا هتشوفي سعادة ولا راحة بال
يطول يوم لسانه ويوم اديه
ولو روحتي لأهلك تشكي ع الي انتي فيه
يقولولك عيشي وارضي
طب بس هتروحي فين
وياما صبايا كانوا زي حلاتك راحوا ف غمضة عين
والذنب ع مين !؟
ع الاهل ولا ع العيشة المرة
ولا ذنبها اي لسة صبية ف اول جوازها ويكون ليها ضره
ولا الذنب بكلمة انتي الي زيك فاتح بيت
واهي كل دي عادات قديمة واحنا الي مش سالمين
ولأنك بنت عدت العشرين يبقا تتحملي الكلام
ليه لسة قاعدة ، والحقي نفسك ،وروحي شوفي بنت فلان
ويلا السلام ع التخلف والانحطاط
تعليقات
إرسال تعليق