مطلوب على وجه السرعه
انسان طموح حسن السمعه
ادارى ويكون نصه ألاتى
ويجوز كمان يصبح قرداتى
موجود كمان سبت وجمعه
ويكون عبوس له تكشيره
وكلامه امر بتأشيره
وعيونه حاده لكن لامعه
له شخطه ترعب عُماله
وكلامه يسبق اعماله
لو حتى مش خريج جامعه
فى الفهلوه أحسن حاوى
يقعد فى ديسكو وفى قهاوى
طلباته ذيه تكون فرعه
الحظ عارف عنوانه
بينقى ناس ذى الوانه
واوانه طالع من لسعه
مش فارقه مكسب وخساره
فن الحياه كله شطاره
واداره فن وفيها خدعه
اسرق ومتع احبابك
وافتح لهم فتحه ف بابك
هيعيشوا من غير ولا دمعه
اما الغلابه ابعد عنهم
لتعود وتصبح يوم منهم
وتلاقى كام مليون صفعه
افهم وحدد ادوارك
وابنى لنفسك اسوارك
وكله على قد الجرعه
مطلوب على وجه السرعه
نصاب يكون واخد الجرعه
واحنا نظبط له السمعه
تعليقات
إرسال تعليق