كلمات الشاعر صلاح على زهران
رحت رحت ياخال
رحت وسبتلى عكاذك
أنا مقصوص الجناح
ماليش إلا عكاذك
شايف عيون حزينه على فراقك
انا ياخال هكمل مشوارك
ما أنت اللى علمتنى واستاذى
رحت ياخال رحت ياخال
لا لية عايش جوايا
هتكمل معايا الحكاية
الحكاية اللى جواك وجوايا
ما خلصتشي اللعبة معايا
ابتدت وباين ماليها نهايه
نهاية تفرح ليها الحزانه
اللى مدفونين جوا الخزانة
إنت عارف طبعاً محتويات الخزانه
عارفها كلها وعرفانى
أسرار ماليها نهاية
متراكمة ومتسقفه فوق بعضها
قربت تاكل بعضها
وتنفجر الخزانه
آه أه شفت أنا الخزانه
يابوى عتمه قوى
مش شايف حاجه
آيوه علشان ياولدى
ما تعرفش حاجه
وتفضل فى دوامة
تخدك بعيد بعيد ياما
وتكون نهايتك
متبروزه ببرواز
عايزينه هما الافندية الديابة
وتنتهى بيك الحكاية
كلمات الشاعر صلاح على زهران كتبت بعد اسبوع من وفات الشاعرعبد الرحمن الابنودى
تعليقات
إرسال تعليق