بقلمي/ بدرى ابوخزيم
قهوه بلدي
علي قهوه بلدي
فى وسط بلدي
قهوه قديمه
من اياام جدي
كان صاحبها عم فخرى
قاعد علي المارك
بيامر ويتامر
لبس جلبيه سوده بلدي
اامر يابيه اي حاجه
من الكافيه
حدق شويه فيه
وقلي كاني عارفك
ياولدي
عم فخرى انا بدرى
الصعيدي الاصيل
كل ماتشوفني
نسيتني
يافخرى
حبيبي ياريحة الحبايب
فينك يابدرى
قولتله الزمان
والايام عندكوا بتلهي
كويس اني شوفتك ياولدي
اصل العمر بيجرى
والحيطه عندي
بتقع طوبه طوبه
يابدرى
لو ليك حبيب
حاول توقف الزمن
وعليه عدي
وملي عنيك منه
قبل قبل ماتسرقك
ايامك وتعدي
لفح جلبيته علي كتفه
عم فخرى
وظهر كلسونه
ابيض
وجرى وعملي
القهوه زياده
والشيشه
وفحمها
مولع زياده
قهوه بلدي
صاحبها عمي فخرى
السوهاجي
من طما
ومااات عم فخرى
وترك معى احلي ذكرى
لانه كان عارف اصلي
وفصلي
كان ذلك علي قهوه بلدي
تعليقات
إرسال تعليق