بقلم الشاعرة:-اسماء كمال
عشان انتي بنت يبقا تقولي حاضر م غير نقاش
عشان انتي بنت رأيك دا ميهمناش
تمشي طريقك م سكات
وان جالك ف يوم عريس مش مناسب تقبليه
ملكيش حق المجادلة ولا حق انك ترفضيه
والشغل ليكي مرفوض
والكلام ليكي بفروض
عشان بنت يبقي تتحملي الاهانة
تتوجعي وتيجي ع نفسك وتبقي مستهانة
وان جيتي اخدتي بعدات قديمة
وقبلتي بالجوازة
هتلاقي منه مد ايد
وان جيتي ف يوم تشكي يرد عليكي بالتهديد
وان زادت يوم طلباتك يسد صوتك
لأنه مش شايفك معدم وجودك
وتيجي ع نفسك وتعدي
وتقولي بكرة ربنا يهديه
ويجي بكرة ومش هتلاقيه
وتلاقي نفسك ضحية
ف مشهد حزين م مسرحية
خبوكي ورا الستار
وكأنك هتجيبيلهم العار
لكن العار انك تسكتي
وانك تقبلي بالاهانة
العار انك تمشي ورا عدات قديمة
ومتعمليش لنفسك قيمة
بنت يعني حلم ومستسلمش ابدا للهزيمة
بنت يعني هوصل للي ف دماغي بنيته
واختيار أن أقبل اي حد ف حياتي لاغيته
بنت يعني رأيي شئ اساسي
والي يفكر ف يوم يكسرني تحت مداسي
تعليقات
إرسال تعليق