كل المفارق كات جاية مع توهة
كل الحبايب اتحولوا لصدمات
مين أصبح عايش بقلب سليم
دا كسر الخواطر أمر مش هين والمه اليم
واديكي واقفة بتشكي وجعك والانين
فاكرة أما كان جايلك بدور البطل العظيم
وانه شايلك وصاينك م وقت أما جات العين ف العين
ويعيني ع كلامه ليكي مع كام بصة حنين
ووعود كتير كانت م بينكوا سعتها
ويسقف ع الايدين لو كان ف بينكوا شئ مشترك ويقول خلاص لقيتها
وسعتها صدقتيه
قولتي عنه كلام كتير وامنتيه
فاكرة أما قولتي مستحيل يخونك واهو خانك
قولتي مستحيل يببيعك واهو راح لوحدة تانيه
وانتي قاعدة بتشكي اوجاعك
كان فين بس عقلك أما كدب مرة وعدتيله
وأما غلط فيكي كتير و سامحتيه
كام مرة جيتي ع نفسك وكام مرة كسر نفسك
والنهاية كات جرح ليكي
قوليلي بس بعد كل الوجع ازاي لسة بتحني ليه
ازاي رغم كل الزل الي جالك منه لسة بتحبيه
وجع الخيانة اصعب وجع جايلك بعد الفراق
فوقي لنفسك يشبة ودوسي ع قلبك لو ف يوم اشتاق
فوقي وسيبك م باب العشق
العشق كله توهة ونفق موت
العشق هلاك ولو صابك هتلاقي عمرك بيفوت
العشق كله سكوت لكن كلامه توهان
مين بس م العشاق مندمش لو يرجع م تاني يكون ف امان
تعليقات
إرسال تعليق