اعداد /محمد حميد
لا لا لا لا لا مو كلشي بوكته حلو ليش كاعد تأجل فرصتك وتكول كلشي بوكته حلو لا يا ناس خلي نمسح هاي الكلمه من هل الوجود ليش كل ما واجهة خوفك او عواطفك ونطلب منك كلام.. تكول كلشي بوكته حلو لا غلطان مو كلشي بوكته حلو أنته تصنع الحلاة بنفسك أنته تكون اللحظه الحلوه أنته واصرارك وعزيمتك ، تكون الشي الي لازم يكون حلو زين انته سالت نفسك شوكت يجي الشي الحلو والوكت الحلو الي أنته ضامه ودافن كلامك واحساسك بي تعرف شوكت تكون اللحظه الحلوه تعرف شوكت يجي اليوم والدقيقه والساعه والثانيه الحلوه .... أعرفك سكتت لا والله اكص ايدي إذا تعرف شي
. كفايه يا صمت كفايه يا خوف لاتكول كلشي بوكته حلو يا أخي عبر بادر سوي شي بحياتك تكلم
اني اللحظه هاذي والثاني هاذا محيت كلمة كلشي بوكته حلو من قاموس حياتي من مشاعر كلبي اطلعلك الكلام .. واكلك .. راحت كلمة كلشي بوكته حلو والي اجه بمكانهاا. احساسي .. وعواطفي ولحظاتي وتعبيري تريد تعرف شنو احساسي لمن راحت هل كلمه من حياتي هسه اكلك شنو احساسي والتعبير يجي بلحظه ويروح طول العمر
وأني مامستعد اخسر هل لحضه .. احتمال ماالكه الشخص الي راح يسمعني مراح الكه الشخص الي يفهمني مراح الكه الكلب الي يحس بيه اني مااضيع وكت ما اأجل يوم وبعد يوم واكول كلشي بوكته حلو لا انه من خوفي لا اخسر الي اتمنا كربي طول الوكت من خوفي لا يروح مني ومن خلاله انسه تعبي انسه ماضي لو كان عندي ماضي صعب انه اكله
احبك... اي احبك لان بنسبه الي هاي الدقيقه الوكا الحلو والاحساس الحلو ما يهمني وكتك ما يهمني احساسك يمكن يختلف يمكن خوفك مصيطر عليك يمكن ويمكن والف علامة تعجب كدام احساسك والكلام الي بداخلك .. انه غيرك انه نسيت خوفي انه امتلكت احساسي انه احبك .. اي والله العظيم احبك
انه اريدك وانته يمي احس بل وكت الحلو وانته يمي امتلك الوكت الحلو انه احبك بكل معاني الوكت من حلا .. وانته خليك على خوفك وكول .. كلشي بوكته حلو .. زين ليش ما تجي تعبر ويه تعبيري ليش ما تجي تسوالف وتبوح الي بصدرك كدامي ليش وليش وليش .. وانه بطلت اكول ليش
لان احبك وبقاعدة حبي الك مااريد شي يشغلي بالي مااريد شي يقلقني زايد مااريد شي يصعب اموري مااريد شي يبعدني لحظه بلحظه منك انه حبيتك لان وياك احس الوكت كله حلو . وياك وويه زعلك احس الوكت حلو ويه شوكك احس الوكت حلو ويه خوفك عليه احس الوكت حلو ويه حبك احس الوكت حلو ويه ضحكتك احس الوكت حلو ويه عيونك احس الوكت احلى واحلى من شي اسمه حلو ليش لان انته معنا الحلااا بحياتي .. انه مااكول كلشي بوكته حلو
انه واجهتك وكتلك ما عندي وكت محدد انه يكون حلو انه عندي انته وانته الحلو ولذلك كتلك احبك يا وكتي الحلو.
تعليقات
إرسال تعليق