بقلم الشاعرة:-اسماء كمال
كان زمان معايا كام صديق
ف وقت الشدة جمبي ووقت ضيق
وان جيت ف يوم انادي الوحدة قتلاني
كانوا هما جمبي أمني وأماني
كانوا ضلي والحلو الي فاضلي
ويجي وقت التلاهي وموجة الخزلان
م فيش امان ولا احتواء
الاصحاب مبقوش غير داء وانت المتصاب لو هتأمن
كل الي كان جمبك ف ضلك وبيواسيك
أصبح قليل الاصل خان الي كان م بينكوا وعاب فيك
والي كان يقولك عيب يصاحبي انا ف ضلك وفاضلك
ووقت مسبته وبثانية أصبح يضل فيك
فوق يا الي انت لسة فاكر أن الصحاب باقية
غدر الصحاب أصبح موجة وع الكل دايرة
غدر الصحاب كما الموضة
فبلاش تصدق الطبطبة الزايفة وبلاش تغرك المظاهر
إياك تقول عشان صاحبي احكيله سري
عشان وقت أما هتخلص وتمشي صعب ان سرك يتصان
ومتصدقش الي يجي يحكي قصادك ع زكريات كانت زمان
وانه جايلك من عالم تاني وصاحب صاحبه
وانه هيكون ف ضلك لو جيت ف يوم تحتاجه
وانه هياخدك خير صحبه وهتكون تاجه
الكلام كما البحر وان جيت تأمنله هتكون انت الغريق
تعليقات
إرسال تعليق