بقلم الشاعرة:-اسماء كمال
من شهر
انا كنت تمام
أما دلوقتي قلبي ملاه القهر
من شهر انا كنت عارف انام
ودلوقتي لجأت لكل المهدأت
دلوقتي أصبحت شخص كئيب وعصبي بزيادة
وقهوتي اتقلبت من سكرها لساده
أصبحت شخص مطفي والضحكة مش طالعه
وعيوني صابها السواد بعد أما كات لامعه
ودوا الاطبة مبقاش جايب نافعة
والحزن بالتجديد عمال يزيد ويهد
وعداد الفرح واقف وكأنه حالف ميعد
الاكتأب متعب وهلاك للروح
كل الي كان جمبك مشي وسايب لقلبك كل الجروح
وأما قررت تلوم اللوم كان ع قلبك
والذنب مكانش ذنبك
لكن دايره الحياة مش سالمة
ولا بد فيها م الفراق ولا بد فيها م الوجع
كان لازم تحزن وتتوجع وربك يحطك ف ابتلاء
لجل أنه يظهرلك مين الي خاين ومين لسة عنده ولاء
والحزن بلاء ف لازم تصبر وتكون راضي
وبلاش تنفر وتكدر وتقول كلام ياخدك لطريق انسان عاصي
الدنيا دار مشقة وابتلاء فيها الضعيف وفيها القوي
وفيها الي هيبيعك وفيها لقلبك هيحتوي
فيها الي هيصيبك بدائه رغم انك كنت دواه
واهي الدنيا كما الداير تلف عليك بكل م فيها
والعبرة ف الدايرة مش انك تكون قاضي
العبرة لو تبتلي تصبر وتكون راضي
دا البشري بعد طول صبر نجاه
تعليقات
إرسال تعليق