لهفة البدايات
بقلم الشاعرة:-اسماء كمال
اياكي تغرك لهفة البدايات
لهفتها مش حلوة واخرتها صدمات
اياكي تغرك الوعود كل الوعود زائفة ونهايتها حرقة وخزلان
مش كل الي يجي نوهبله قلبنا ونديله الامان
وبلاش تتغري ف مظهر الكلام
كل المظاهر اوهام
كل الي قرب كات سكته توهة وملهاش مفر
فوقي لنفسك يشبة واهربي بنفسك لو لسة ع البر
سكة الشباب أصبحت منجمة بشياطين ومفيهاش نجاه
واسردلكم قصة لفتاه
جالها ف يوم شاب يقول انا حبيتك ومن نظرة
ومن نظرة بقيت عاشق لعنيكي
انا شايف حياتي معاكي وليكي
وشال كتير وعود لجل أنها ترتاح وتوهب قلبها ومشاعرها ليه
سمعها كتير من الغزل ف وثقت فيه
فضل يجيب هدايا ويقول منايا ف نظرة عين مع بصة حنين
ويقول أنا سكران وف حضنك انتي ترويني
وتزيد طلباته ورغباته
ولو قولتي لا هشوف غيرك
وانتي كتر اوي خيرك وكفاية عليكي كام حبة دلع
مش قولتلك اخرتها حرقة وانتي بس الي ف الآخر قلبك هيتوجع
مش كل من قالنا كلمة بحبك هتكون من قلبه
ولا كل الي حلف هيخاف عليكي
ف ختامي نصيحه ليكي يا نعمة جميلة
الي هان عليه ف يوم دينه ومخافش من ربه
سهل جدا يقلب شيطان
اياكي تغرك المظاهر والكلام وتدي لحد الامام
تعليقات
إرسال تعليق