وطني نيوز | «تريزا منصور» تكتب : الصداقة

كتب : تريزا منصور

يعني ايه صداقه!!!!!!!! 

الصداقه من الحجات المهمه في حياتنا يعني الصاحب اللي يحس بيك يعني يقف جنبك في كل المحنات حلوه وحشه فرح حزن تعب وجع يعني تفضلوا جنب بعض لاخر العمر 

يعني متبصوش لحياه بعض بنظره تأذي بالعكس تتمنوا لبعض اكتر من السعاده اللي موجوده في حياه الناس كلها في حياتكم نفسها تتمنوا الخير ويكبر جواكم 

تستحملوا بعض في كل الظروف اي كان صعوبيتها 

مفيش حد يقدر يفرقكم ولا ظروف تبعدكم مهما كانت قوتها 

 الصاحب يعني الحضن اللي بنستخبي فيه ونظهر علي حقيقتنا قدامه واحنا فرحانين واحنا زعلانين لازم نشارك بعض بكل حلو ووحش 

يعني دموعك اللي مبتحبش حد يشوفها اكيد هو بس اللي يشوفها ويمسحها ويداويها

يعني اللي يداري علي بلاويك ويستحملها ويجري وراه كل حاجه معاك حتي لو كانت غلطه بمجرد يشوفك مرتاح وفرحان يقف جنبك ويساندك حتي لو مش مقتنع اهم حاجه السعاده والراحه اللي بيشوفها في عنيك

يعني واهم حاجه الضحكه اللي بتجمعنا وبتبقي من القلب

يعني اتفاقتنا وزوقنا واحد حتي لو مكناش كده الاول بتلاقي قربنا ببعض بيقرب ازوقنا بيقرب عقولنا بيقرب تفكيرنا  

يعني منستحملش الهوا علي بعض واللي يكلم عليه من ورا يلاقي الف رد مكانه يدافع عنه 

تلاقيه معاك في كل وقت يحب يخدمك بعنيه يحب يكون اول واحد يقدملك كل الحب اللي في الدنيا 

الصاحب ده الحب والرزق والحياه الحلوه اللي بترتاح وانت جواك هموم الدنيا لما تتكلم وتسمع صوته و أن ضحكته حياه بالنسبالك ودموعه قهره وجع ليك 

الصاحب بيبقي اغلا من اخوك او اختك اللي من دمك 

الصداقه ياجماعه اجمل واغلى حياه ممكن تحصل في يوم بينا زي صداقه يوناثان لصحبه داوود من اجمل صداقات في الكتاب المقدس صداقه وفيه واضحه نقيه حتي النهايه كان كان في وفاء بينهم ايمانهم ببعض كان حقيقي كان كنز جميل لكل خدام الله وكان ماثر في كل اللي حواليهم بغض النظر بين بيئتهم وسنهم كفايا محبتهم وتشجيعهم لبعض المستمر والدعم اللي كانوا بيقدموا لبعض علشان كانوا عارفين قوه التجارب اللي كانوا بيمروا بيها فكانت صداقتهم اقوي من اي صعوبه في التجربه والامتحان الشديدة اللي هيواجهوها يوناثان كان مستعد يقف مع داود لحد اخر نفس ليه ده اكبر تضحيه في الدنيا ومعني وافي الصداقه الجميله 

الصداقه اللي بتبدا بالمحبه الحقيقه هي اللي بتوصل لاعلي درجات الايجابيه بين الصحاب الصداقه دي جوهر من ربنا نحافظ عليه

الصداقه وعود تتنفذ محبه بلا نهايه فرحه وسند عايش جواك والآخر العمر مشاركه الحياه بأكملها حبك للدنيا علي ايد صديق يطمنك ويديك كل الحب

حب الصداقه وعيشها صح تعيش عمرك كله مش خايف تبقي لوحدك في يوم من الايام  

الصاحب اللي بيحبك هو اللي بيقبل عذرك ويسامحك إذا أخطأت فعلا صدق المثل اللي قالوا فيه الثراء ليس بالمال بل بالاصدقاء صحبك اللي بجد اللي يتوجع من تعب صوتنا وصمتنا الصاحب اللي تلاقي كل الناس تقول عليه اخوك من كتر حبكم لبعض ناقش رسمته علي وجهوكم الحب مرسوم كأنكم تؤام في نفس الصورة ونفس الكلام  

عندي تشبيهين حلو اوي للصداقه 

انها مش زي الشمس لأن الشمس بتغيب والصداقه عمرها ماتغيب  

ولا زي التلج لانه بيذوب و الصداقه عمرها ماتذوب وتنتهي الا لما يموت الحب او يموت الشخص الوفي اللي اخلص في صداقته  

صاحب من غير ماتتكسب حبه وتتمسك بيه لآخر نفس عندك ضحي وحارب وبادل حبك ليه وده وخلي عندك ايمان وثقه فيه ديما أنه اد الصداقه دي اديله القوه علشان تسنده بعض وتشاركه حياتكم بكل محبه وثقه لان القوه بتعطي من قوه الحب والثقه والاحترام اللي مربوطين بيه

ربنا يخللينا كل صاحب وصحبه جدعه وواقفين معانا في كل الظروف

الصحاب رزق وحب من ربنا لينا ونعمه يارب تدوم ديما في حياتنا في مثل حلو اوووي عاجبني «صديق يحبك بصدق خير لك من مدينه كامله بالبشر»