العمر لحظه طالت ام قصرت / وطنى نيوو

كتب - هانى زكريا

الواحد لما بيقعد مع نفسه ويفكر بيقول ليه عمري جري قدامي من غير ما استغل كل لحظه فيه بان اعيش حياتي واسعد نفسي واعيش اجمل لحظات عمري

ليه انشغلت بالحياه ومشاكلها ومتاعبها ونسيت ان ده باخد من عمري وشبابي اللي بيجري سنه ورا سنه

ليه قعدت افكر في بكره هيحصل ايه وهعمل ايه ونسيت ان ده بيضيع اجمل ايام حياتي

ليه مستغلتش كل لحظه بمر فيها بان اقعد واتكلم مع اكتر ناس بيحبهم وبيحبوني واندم اني بشوفهم بيروحو مني واحد ورا التاني مبيفضلش غير شويه صور وذكريات قليله ليهم بسبب مشاغلي

ليه قعدت افكر بكلام الناس وهيقولي ايه عني من ورايا لو عملت الحاجات اللي بيحبها واللي شايفها هتسعدني وتريحني واعيش سني اللي معيشتهوش مادام صح مش هتضر حد ولا هتقلل من احترامي قدام الناس

ياريت كل واحد فينا ميضيعش اي لحظه ممكن يسعد فيها نفسه او يسعد بيها مع غيره

لان محدش ضامن بكره والايام الجايه هيحصل فيها ايه

عيش يومك كانه اخر يوم واعمل كل حاجه بتسعدك وتريحك وملكش دعوه بكلام الناس المهم سعادتك وراحتك انت ومتخليش الحياه ومشاغلها تلهيك عن سعادة نفسك واللي حواليك