كتب - هانى زكريا
فى بداية حياة المهندس الراحل عثمان احمد عثمان ( كبير المقاولين العرب ) الذى يعتبر من النماذج المشرفه جدا فى مصر والوطن العربى وقصة كفاحه مليئة بالصبر والاجتهاد والكفاح
- دخل كلية الهندسة بشهادة فقر لأن مش معاه فلوس يدفع المصاريف ( 40 جنيه )
- كان بياخد المسافة من الجيزة للكلية مشي كل يوم لأن مش معاه يركب مواصلات
- بالعافية اخته وفرتله 120 قرش عشان يدفع اشتراك الترماي 3 شهور بدل ما يمشي .. قام بدل ما يدفع 3 شهور راح اشتري عجلة مستعملة ب 60 قرش كفته ال 5 سنين بتوع الكلية وفي التخرج اداها هدية للفراش بتاع الكلية
- النهاردة عثمان احمد عثمان صاحب أكبر شركة مقاولات في العالم العربي وافريقيا وخامس أكبر شركة في العالم وشركته مصنفة في عدة تصنيفات دولية
- عثمان احمد عثمان مسك وزير مرتين في عهد السادات .. مرة وزير التعمير ومرة وزير الاسكان
- عثمان احمد عثمان بني اكتر من 150 شركة خلال فتراته في الوزارة
- عثمان احمد عثمان مسك نقيب المهندسين ولما مسك النقابة حولها من مؤسسة تعتمد على دعم الدولة الي مؤسسة ربحية وأنشأت عدة مشاريع كبيرة
- المقاولين العرب شاركت في العطاء بتاع السد العالي في الوقت اللي اجتمعت فيه كل شركات المقاولات الاخري في طرف تاني ضد عثمان احمد عثمان ويوم فتح المظاريف كانت قيمة عطاء الشركات 27 مليون جنيه وقيمة عطاء عثمان احمد عثمان 15 مليون بس !!
وبالفعل هو اللي انشأ السد العالي
- المقاولين العرب مات منها 500 عامل في حروب الاستنزاف وهم بينشئوا قواعد للصواريخ المصرية لأنهم كانوا شغالين والقنابل بتنزل فوقيهم وكملوا بناء بعض القواعد اللي اتهدمت 5 مرات من القنابل
- المقاولين العرب النهاردة ليها فروع في أكتر من 24 دولة في العالم
وفي 1مايو 1999 توفي هذا النموذج الناجح ليصادف يوم وفاته يوم عيد العمال.. الذي عاش بينهم ولاجلهم.. رحمه الله واسكنه فسيح جناته 
تعليقات
إرسال تعليق