طريقة عمل مقلوبة الباذنجان / وطنى نيوز

 

 

كتبت : شمس فتحى

 

مع بداية الشتاء بندور على الأكلات اللي بيكون طعمها حلو وتدفي العيلة كلها، واحدة من أهم الأكلات دي هي مقلوبة الباذنجان الغنية بالحديد والفيتامينات

 

المكونات

- كيلو قطع لحم أحمر متوسط الحجم

- كوب أرز مصري

- ٢ ثمرة باذنجان كبيرة

- ٢ ثمرة بطاطس مقطعة شرائح

- ٣ بصلات متوسطة

- بهارات (حبهان، فلفل أسود، كركم، ورق لورا)

- زيت الذرة ذرة او عباد

 

الطريقة:

الخطوة ١: اغسلي الباذنجان وقطعيه شرايح بالطول ورشي عليه ملح وسيبيه تلت ساعة.

الخطوة ٢: في حلة على النار، ضيفي معلقة من الزيت وشوحي فيها البصل وضيفي ليه قطع اللحمة.

الخطوة ٣: ضيفي المياه السخنة وورق اللورا والحبهان والفلفل والملح وسيبي اللحمة تتسلق.

الخطوة ٤: طلعي اللحمة من المرقة واقلي الباذنجان في الزيت

الخطوة ٥: في حلة كبيرة حطي معلقتين من الزيت ورصي شرايح الباذنجان ومعاها شرايح البطاطس وفوقهم اللحمة.

الخطوة ٦: حطي طبقة كمان من الباذنجان وفوقها الرز.

الخطوة ٧: ضيفي مرقة اللحمة على كل الحلة وسيبيها تستوي على نار متوسطة.

التقديم: جهزي صينية كبيرة للتقديم واقلبي حلة المقلوبة وزينيها بالصنوبر أو أي مكسرات تحبيها.