بقلمي بدرى ابوخزيم
القرار
الاعتذار
جاي تعتذر ماانا خدت القرار
زعلتني وكسرت فيه
الحب اللي..... ولا بلاش
ماانا خلاص خدت القرار ليه بقي
اشكي واشتكي
وليه ولمين
ماانا خلاص خدت القرار
دانا زعلانه من زمان جاي تفتكر دلوقتي
وتقول ياريت اللي جرى ماكان
تيجي تخبط تيجي تصفر
تيجي تحكي حكايات عن العشاق تحت الشباك
حتي لو عملتلي قرد مسلسل
مش هفكر وخلاص خدت القرار
القلب كان قلب طيب
ياما كان بيطبط ويطيب
جرووح سابها فينا الزمن
وكنت الطبيب وكنت الهوي والدوا
والعمر اللي لسه ماابتدا
بس اقولك
بحبك لاني صغير قلبي حنين
قلب يحب يدفى فى
قلب يعرف الطيبه
والحنان
هدوس علي كل الزعل
وهجرى علي حضنك
مهما الزمن عمل
واشوفك ابوسك
بس اوعي تبقي غيران
هفضل احبك وهقولها
رغم الزعل واللي كان
الحب فى القلب مش فى الوشوش بيبان
تعليقات
إرسال تعليق