نصائح الدكتور محمد علام لتقوية مناعة الجسم / وطنى نيوز

 

كتب : هانى زكريا

 

ازاى تقوى مناعتك ؟؟ 

 

1- الاقلاع عن التدخين اولا التدخين بيقلل مناعه الجسم ثانيا بيضر الرئه اللى احنا فى امس الحاجه انها تكون قويه لو لا قدر الله اتصابنا

2-الحفاظ على نظام غذائى متنوع وجيد يحتوى على الفيتامينات والمعادن المهمه لتقويه المناعه

3- ممارسه الرياضه بصفه مستمره مش شرط جيم ممكن الجرى او تمارين الكارديو فى البيت او حتى المشي رياضه بسيطه ومفيده.

4- المحافظه على ساعات نوم كافيه مساءا

5- التوقف عن شرب المشروبات الكحليه لما لها من أضرار على صحتك

6- محاوله انقاص الوزن باتباع نظام غذائى متنوع من العناصر الغذائيه وممارسه الرياضه

7- اهم نقطه حاول الابتعاد عن مصادر العدوى عن طريق البعد عن التجمعات غير الضرورية ارتداء الكمامات وتطبيق تباعد مجتمعى حقيقى والمداومه على غسيل الايدى

8- محاوله تخفيق الضغط النفسي فى الشغل او الاسره او حتى اخبار الكورونا عن طريق اخذ فتره راحه من اخبار الكوفيد وفقط خد المعلومات من المصادر الموثوق بها مش اى بوست تصدقه سواء يرعب او يطمن زياده عن اللزوم الاثنين خطر

** نقطه الفيتامينات والمعادن المهمه لتقويه المناعه وهل مطلوب منك تاخد مكمل غذائى ؟؟ ولو هتاخد تاخد ايه ؟؟

افضل طريق للحصول على الفيتامينات والمعادن المهمه هى الاكل الصحى المتنوع (منتجات الالبان والفاكهه والخصراوت والتعرض للشمس يوميا نصف ساعه) ، متجروش وراء اعلانات شركات الادويه عن دواء لتقويه المناعه كلها اعلانات استهلاكيه واغلبها مش صحيح او مبالغ فى تاثيره واعتقاد خاطئ انك لو اخدت العناصر دى بكميات ضخمه هتقوى مناعتك اكتر ده غلط زيادتها مش مفيده بالعكس احيانا بتكون مضره.

انت بمنتهى البساطه وبطريقه صحيه وامنه تقدر تاخد متطلبات جسمك من العناصر دى والشخص اللى عنده مشكله فى التغذيه زى النحافه او معتمد على نظام غذائى مش متنوع او غيره من الاسباب بيحتاج مكملات لكن لابد من استشاره طبيب لان اى ماده بتدخل جسمك ليها نفع وضرر فلازم الحرص علشان منأذيش نفسنا خصوصا مع الاطفال منديش ليهم ادويه بدون استشاره طبيب رجاءا (هحط فى الكومنتات لينك لبوست فيه اهم العناصر وطرق الحصول عليها وهضيف فيه عناصر اخرى)