كتب/ علي عبد الرحمن
عارفك مش قادر تستوعب الماتش ولا هتقدر ولا حتي هتقدر تتخيل سيناريو الماتش هيبقي ازاي.. بس الماتش ده هيكون نهائي 90 دقيقة هيعدو عليك كأنهم 90 سنة.. مع كل هجمة هنا او هنا هيجيلك سكتة قلبية فأحسنلك روح اتفرج عالماتش جمب اي مستشفي ودي نصيحة.
النهائي مش هيكون نهائي عادي كده والسلام ولا الخسران هيزعل كام يوم ويرجع طبيعي ولا الكسبان هيفرح يومين ويرجع طبيعي.. لا الخسران هيقعد 10 سنين مش ناسي مرارة الهزيمة والكسبان هيفضل 10 سنين بيحتفل بالفوز الأسطوري.. تخيل شيكابالا يسجل هدف الفوز اخر دقيقة؟ طب تخيل كهربا يسجل هدف الفوز اخر دقيقة؟ جالك مغص صح وقلبك دق جامد واعصابك سابت؟
الموضوع صعب وخصوصاً ان البطولة غايبة عن الفريقين من سنين وكل فريق هيدخل عشان يحقق البطولة ويكسر الغريم الأبدي بتاعه ماهو الماتش ده هيسبب عقدة كبيرة للفريق الخسران وهيبطل ناس كورة.. واللاعب الي هيعمل غلطة تتسبب بجون هيبقي منبوذ من جماهيره مدي الحياة ومش هيترحم.. والاعب الي هيبقي راجل فالملعب ويسجل ويأدي الجماهير هتحبه مدي الحياة وهتشفعلة اي غلطة تانية.. ولاعيبة كتير من الفريق الخسران هتتسرح.. النهائي ده هيكون اقوي نهائي في تاريخ دوري ابطال افريقيا.. انا مستنيه بفارغ الصبر الماتش حساس لأعلي درجة تتخيلها واتمني الماتش يتلغي وميتلعبش.. بعد النهائي جماهير الفريق الي هيكسب هتكتسح مصر والي هيخسر هيختفوا من مصر ومن السوشيال ومن الحياة تقريباً.
ماتش خيالي ومش هيتنسي اطلاقاً ولا حتي الأجيال الجاية ولا الي بعدها هتنساه.
الحمد لله كأس الأميرة السمراء في مصر..
جميل بي التوفيق ياستاز عمر
ردحذف